10\04\2022 22:23
Në planin legjislativ parashihej për 30 mars, por as një javë më pas, qeveria nuk e ka ndërmend ta iniciojë projektligjin për paga.
Sipas Besnik Tahirit nga Aleanca për Ardhmërinë e Kosovës, ekzekutivi ka dështuar të çojë përpara edhe nisma të tjera ligjore me rëndësi.
Ndërsa Instituti i Kosovës për Drejtësi ka kritika në aspektin sasior. Ani se në muajin shkurt u tejkalua plani, Yll Zekaj thotë se ai ngeci në mars, pasi u aprovuan vetëm gjashtë projektligje, nga 19 sa ishin të parapara.
Në anën tjetër, qeveria në përgjigjen për televizionin tha se ka përkushtim në përmbushje të planit, teksa përmendi rekordin e vitit të kaluar, kur u miratuan 119 projektligje.
Për këtë vit, ekzekutivi ka paraparë procedimin e 133 projektligjeve. Një pjesë janë të trashëguara nga viti i kaluar.