12/12/2021 12:02
Të gjitha rrugët në Kosovë janë të kalueshme, pavarësisht reshjeve të borës që kanë rënë gjatë natës e që po vazhdojnë edhe sot.
Nga Ministria e Infrastrukturës kanë konfirmuar për Klankosova.tv se edhe rrugët në zonat malore si Kullë, Bogë e Bajgorë ku mbrëmë ka pasë telashe janë të hapura.
“Sipas informatave nga terreni nga menaxherët rajonalë dhe të autoudhëve gjendja e rrugëve është e mirë. Kompanitë kanë intervenuar gjatë tërë kohës në pastrimin e rrugëve”, kanë thënë nga kjo ministri.
MI-ja ka apeluar që në viset malore të vozitet me kujdes të shtuar.