13\02\2022 11:56
Sekretari amerikan i Shtetit, Antony Blinken, ka thënë se “kërcënimi i menjëhershëm” i veprimit ushtarak rus në Ukrainë justifikon evakuimin e ambasadës amerikane në Kiev.
Fjalët e tij erdhën pasi presidenti i Ukrainës kërkoi qetësi, duke thënë se armiku më i madh ishte paniku.
Shumë vende u kanë kërkuar qytetarëve të tyre të largohen nga Ukrainam shkruan BBC, përcjell Klankosova.tv.
Moska, me më shumë se 100 mijë trupa pranë kufirit, ka mohuar planet e saj për të pushtuar.
Në një telefonatë, presidenti Joe Biden paralajmëroi udhëheqësin rus, Vladimir Putin, për “kosto të shpejta dhe të rënda” nëse Rusia dërgon trupa.
Mbretëria e Bashkuar, SHBA dhe Gjermania janë ndër disa vende që u kanë kërkuar shtetasve të tyre të largohen menjëherë nga Ukraina.
Vendimi i SHBA-së për të evakuuar shumicën e stafit të ambasadës së saj në Kiev të shtunën u pasua nga lëvizje të ngjashme nga Kanadaja dhe Australia. Të tre vendet i kanë zhvendosur operacionet në qytetin perëndimor të Lviv, pranë kufirit polak – megjithëse ambasadorja e Mbretërisë së Bashkuar ka thënë se ajo do të qëndrojë në kryeqytetin ukrainas me një ekip kryesor.