10\04\2022 13:44
Lëvizja Vetëvendosje njofton se nga Pakoja e Ringjalljes Ekonomike kundër pandemisë COVID-19 kanë përfituar 748 mijë qytetarë.
Sipas LVV-së, vetëm nga masa për mbështetje sociale kanë përfituar rreth 477 mijë persona.
“Nga Pako e Ringjalljes Ekonomike kanë përfituar deri sot 748 mijë qytetarë. Vetëm nga masa për mbështetje sociale deri sot kanë përfituar 476,903 qytetarë. Afër 3 mijë qytetarë përfitues nga mbështetja pas humbjes së kryefamiljarit nga COVID-19. Afër 300 mijë përfitues nga mbështetja për pensionet. Mbi 25 mijë përfitues nga mbështetja për familjet me asistencë sociale”, thuhet në njoftimin e LVV-së.
<iframe src=”https://www.facebook.com/plugins/post.php?href=https%3A%2F%2Fwww.facebook.com%2Fvetevendosje%2Fposts%2F349436273889296&show_text=true&width=500″ width=”500″ height=”584″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share”></iframe>
Ata theksojnë se gati 150 mijë përfitues janë nga pagesat për shtesat e fëmijëve.
“Mbi 13 mijë përfituese nga pagesat për shtesat e lehonave. Gati 150 mijë përfitues nga pagesat për shtesat e fëmijëve. Afër 6 mijë përfitues nga mbështetja për likuiditetin familjar. Shtesë kësaj, mbi 10 mijë familje me asistencë sociale që kanë përfituar kupona ushqimor. 13 organizata përfituese për mbështetjen e kuzhinave popullore”, përfundon njoftimi.