28/07/2022. 10:41
Ministrja e Ekonomisë Artane Rizvanolli, tha se ndjehet krenare që në emër të Kosovës e nënshkroi marrëveshjen 236 milionëshe me MCC-në.
Rizvanolli tha se kjo marrëveshje do të stabilizojë furnizimin me energji elektrike.
“Në kohë kritike për sektorin e energjisë të Kosovës, jam më se krenare që në emër të Republikës së Kosovës të nënshkruaj një marrëveshje kaq të rëndësishme për sektorin e energjisë dhe ekonominë e vendit. Ky program do të mundësojë stabilizimin e furnizimit me energji elektrike, integrimin e burimeve te ripërtërishme të energjisë dhe përgatitjen e fuqisë punëtore për punësim në sektor të energjisë, me fokus të veçantë tek gratë” – tha Rizvanolli.