01/02/2022 18:06
Presidenti rus, Vladimir Putin, tha të martën se ShBA-ja dhe aleatët e saj kanë injoruar kërkesat kryesore të sigurisë së Rusisë.
Në komentet e tij të para mbi bllokimin me Perëndimin për Ukrainën në më shumë se një muaj, Putin tha se Kremlini është ende duke studiuar përgjigjen e ShBA-së dhe NATO-s ndaj kërkesave ruse të sigurisë që ata morën javën e kaluar, shkruan AP.
Por ai tha se ishte e qartë se Perëndimi ka injoruar kërkesat ruse që NATO-ja nuk do të zgjerohet në Ukrainë dhe vende të tjera ish-sovjetike, të përmbahet nga vendosja e armëve sulmuese pranë Rusisë dhe të zhbëjë dislokimet e NATO-s në Evropën Lindore.
Putin tha se refuzimi i ShBA-së dhe aleatëve të saj për të marrë parasysh kërkesat ruse shkel detyrimet për integritetin e sigurisë që ata morën në Organizatën për Siguri dhe Bashkëpunim në Evropë. Ai argumentoi se ndërsa aleatët perëndimorë theksojnë lirinë e çdo vendi për të zgjedhur aleancat, ata neglizhojnë parimin e “pandashmërisë së sigurisë” të mishëruar në dokumentet e OSBE-së