Policia Rajonale në Mitrovicë, ka intensifikuar angazhimin në kontrolle të personave me masa “vetëzolimi”.
“Me qëllim të mbrojtjes dhe mospërhapjes së pandemisë, në kuadër të angazhimeve policore, bazuar në planin e veprimit operativ, në të gjithë zonën e përgjegjësisë së Drejtorisë Rajonale të Policisë në Mitrovicën e Jugut, po ndërmerren masa të intensifikuara duke përfshirë, vizita dhe kontrollë verifikuese në lokacione shtëpi/banesa të personave në vetëizolim.” thuhet në njoftim.
Po ashtu kontrollet po realizohen nga zyrtarë policorë të uniformuar dhe në rroba civile, me qëllim të verifikimit që masat e shqiptuara për persona në vetëizolim të jenë në përputhje me afatin e përcaktuar kohorë nga institucioni kompetent e paraparë si masë parandaluese.
Ndërsa ndaj personave të cilët nuk zbatojnë masat e parapara, policia është duke ndërmarrë masa sipas autorizimeve dhe kompetencave ligjore të parapara me Ligjin per parandalimin dhe luftimin e pandemisë Covid-19.
