18/05/2022. 18:44
Sot, dhomat e Specializuara i kanë shpallur fajtor ish-udhëheqësit e OVL e UÇK-së, Hysni Gucatin dhe Nasim Haradinajn.
Gucati dhe Haradinaj janë shpallur fajtorë për publikimin e dokumenteve të Speciales.
Ata u dënuan me nga katër vjet e gjysmë burgim, dhe dënim me gjobë prej 100 eurove. Në dënim do t’u llogaritet edhe koha e kaluar në paraburgim nga shtatori i vitit 2020.
Gucati e Haradinaj u shpallën të pafajshëm vetëm për një pikë të aktakuzës, saktësisht pikën 4 “hakmarrje”.
Mbi këtë vendim së fundi ka reaguar këngëtarja, Leonora Jakupi.
Ajo ka postuar në InstaStory një fotografi ku janë Gucati dhe Haradinaj dhe mbishkrim ka shkruar: Ju që votuat gjykatën speciale ju thaftë dora, në emër të popullit të Kosovës dënuat heronjtë e Lirisë!”.
