Duket se ka ardhur koha për një riemërtim dhe një ikonë të re për Microsoft Office.
“Në muajt e ardhshëm, Office.com, aplikacioni Office për celularët, aplikacioni Office për Windows do të bëhen aplikacioni Microsoft 365, me një ikonë të re, një pamje të re dhe akoma më shumë veçori.” – njoftoi kompania.
Emrat e programeve individuale, si Word, Excel dhe PowerPoint, nuk do të ndryshojnë. Microsoft gjithashtu ka siguruar klientët se ndryshimi nuk do të ketë ndikim në llogaritë e tyre dhe se një përditësim i aplikacionit do të ndryshojë automatikisht ikonën dhe emrin.
Njoftimi i riemërimit vjen vetëm disa muaj pasi Microsoft mbylli Internet Explorer, pas gati 30 vitesh shërbimi. Paketa e softuerit u prezantua për herë të parë nga Bill Gates në vitin 1988.
The Office app is becoming the new Microsoft 365 app—your home to find, create, and share your content and ideas. Learn more: https://t.co/4AKuNiHTYy #Microsoft365pic.twitter.com/PAWAbtfN02— Microsoft 365 (@Microsoft365) October 12, 2022