17/04/2022 09:49
Presidentja e Kosovës, Vjosa Osmani ka uruar sot besimtarët krishterë për festën e Pashkëve.
Përmes një komunikate, Osmani ka uruar qytetarët që t’i qëndrojnë pranë njëri-tjetrit për të mirën e përbashkët.
“Në këtë përcaktim ne kemi një prijatare e një model: Nënë-Terezën, e cila përjetësoi dashurinë për njerëzit, duke u kujdesur për më të varfrit”, thuhet në komunikatën e Presidencës.
Komunikata e plotë:
Sot besimtarët e krishterë kremtojnë festën e Pashkëve, e cila ngërthen në vete tolerancën, respektin, zemërgjerësinë dhe dashurinë. Pashkët ringjallin shpresën për ditë më të mira, ndaj në secilën familje mbretëroftë gëzimi!
Uroj t’i qëndrojmë pranë njëri-tjetrit, ta mbajmë edhe më afër e ta duam edhe më shumë njëri-tjetrin, për të mirën e përbashkët.
Në këtë përcaktim ne kemi një prijatare e një model: Nënë-Terezën, e cila përjetësoi dashurinë për njerëzit, duke u kujdesur për më të varfrit.
Për shumë mote, gëzuar Pashkët!