17/06/2022. 18:52
Presidentja e Kosovës, Vjosa Osmani, këtë të premte, është takuar me ministrin e Jashtëm të Polonisë, Zbigniew Rau, me të cilin foli për partneritetin mes dy vendeve dhe për zhvillimet e sigurisë në rajon e Evropë.
“Potencova nevojën e avancimit të raporteve ndërmjet shteteve dhe popujve tanë, si dhe forcimin e bashkëpunimit në politikën e jashtme, përfshirë mbështetjen për anëtarësimin e Kosovës në Këshillin e Evropës dhe strukturat euro-atlantike”, është shprehur Osmani.
Kujtojmë se presidentja e vendit po merr pjesë në Forumin e Prespës që këtë vit po organizohet në Ohër të Maqedonisë së Veriut.