21/06/2022. 20:50
Presidentja e Kosovës, Vjosa Osmani, ka komentuar arritjen e marrëveshjes për udhërrëfyesin e energjisë sot mes Kosovës e Serbisë.
E para e shtetit tha se kjo marrëveshje është e një rëndësie vendimtare, ndërsa zbatimi është hapi kyç tutje.
“Si gjithmonë, Kosova ka treguar të jetë konstruktive dhe e angazhuar në mënyrë aktive në këtë proces”, ka shkruar Osmani.
Kujtojmë se sot, në Bruksel, është nënshkruar marrëveshja për udhërrëfyesin e energjisë, që i hap rrugë faturimit të energjisë elektrike në veri të vendit.