03.09.2021. 07:10
Më shumë se 55 milionë njerëz në gjithë botën jetojnë me demencë, e cila aktualisht është e pashërueshme dhe shpesh neglizhohet, tha Organizata Botërore e Shëndetësisë, duke paralajmëruar se numri mund të rritet në 78 milionë deri në vitin 2030.
OBSH publikoi raportin e saj të gjendjes globale mbi reagimin e shëndetit publik ndaj demencës, duke shqyrtuar përparimin e arritur drejt objektivave globale të vitit 2025 për demencën të përcaktuara nga Plani i Veprimit Global i OBSH-së për Demencën nga Viti 2017.
“Demenca u rrëmben kujtimet, pavarësinë dhe dinjitetin miliona njerëzve, por gjithashtu na privon ne nga njerëzit që njohim dhe i duam”, ka thënë Tedros Ghebreyesus, drejtori i përgjithshëm i OBSH-së.