22/12/2021 11:00
Nxënësit e gjimnazit “Hamdi Berisha” në Malishevë janë duke protestuar, pasi dyshohet se zëvendësdrejtori sulmoi seksualisht një nxënëse.
Ky rast dyshohet se ka ndodhur më 16 dhjetor, por që rastin në Polici e ka raportuar babai i vajzës më 20 dhjetor.
Këtë për Klankosova.tv, dje e konfirmoi zëdhënësi për rajonin e Gjakovës, Nusret Xhurkaj.
“Në Stacionin policor Malishevë me date 20.12.2021 rreth orës 21:30 është paraqitur ankuesi dhe ka raportuar një rast te Sulmit Seksual qe kishte ndodhur ndaj vajzës së tij të mitur”, u shpreh Xhurkaj.
“Ngacmimi seksual dyshohet te jete bërë nga ana e personit cili ne ketë shkolle mban pozitën e zëvendës drejtorit. Ngjarja sipas ankuesit kishte ndodhur ne njërën prej banjove te kësaj shkolle kur viktima ishte brenda ne toilet dhe aty kishte hyrë edhe I dyshuari dhe e kishte ngacmuar seksualisht viktimën”.
Lidhur me ketë rast është intervistuar viktima dhe I dyshuari si dhe disa dëshmitar.
“Hetimet janë ne fazën e grumbullimit te provave te tjera dhe për zhvillime te me tejme ju njoftojmë me raport shtese. Me vendim te prokurorit i dyshuari ndalet ne mbajtje për 48 ore”.