15/12/2021 11:40
Reperi shqiptar, Rigels Rajku, i njohur me emrin artistik Noizy, është arrestuar mbrëmë nga Policia e Kosovës.
Këtë e ka konfirmuar, Zëdhënësja e Policisë për Rajonin e Prishtinës, Flora Ahmeti dhe ka bërë të ditur se ndalimi është bërë me urdhër të gjykatës.
“Mbrëmë në pikën kufitare, në Vermicë nga policia është ndaluar një person, i cili është shoqëruar në stacionin policor Qendra në Prishtinë. Ndaj tij ka qenë aktive një urdhëresë të gjykatës. Zyrtarët policor në koordinim me institucionet përkatëse, po kryejn veprimet e nevojshme procedurale.” u shpreh Ahmeti.
Noizy ka qëndruar disa ditë në Zvicër, ku edhe ka publikuar fotografi të ndryshme dhe së fundmi, para 23 orëve, ka publikuar një video në instastory nga avioni.