25/03/2022
Nga Bedri Tahiri
ORAKULLI
(Prof. Latif Berishës)
Kur mizorët jetën ta shuan
Isha me luftëtarët tej në male
Nga “Tufa” u lexoja poezinë “Tri gota”
Nën vetëtimat e bombave të NATO-s
Nuk pata kohë të të thurë elegji
I respektuari e më i miri profesori im
Milosaoja e Rina nuk bënin më dashuri
Atdheu kërkonte dritë, kërkonte liri
Në përvjetorin e shtatëmbëdhjetë
Të përfytyrova si dikur në katedër
Sjelljet engjëllore e fjalët plot ëmbëlsi
Seç më janë fshehur thellë në zemër
Viciana e lashtë mbushur me magji
Penat krijuese i bashkoi në Kala:
Të na prijë përpara si suferinë
Orakulli ynë që mbëltoi mbarësi.