20/07/2022. 19:27
Nga, Muhamet Mavraj
O, ti, vëlla, shok a mik
Me atë gjuhën e përdredhur si kravatë
Mbi “liri të shprehjes”
a mbi “shprehje të lirisë”
Qetësohu
Na kujtohet kur thonin se lule e mirë është
vetëm lulja impotente
ose ato që po flenë poshtë mermereve
Një,
veç një lule
nëse mbeste jashtë
“Wanted” shpallte veten
derisa e gjente, qoftë edhe mbi një gur a opingë
Dhe bajrakun e pranverës nuk e linte të binte
Mos shko aq larg vetes
Se “në errësirë të braktis edhe hija jote”
vëlla, shok a mik, ti
Me atë “liri të shprehjes” dhe me “shprehje të lirisë”
Qetësohu
Mos bjer në gjak me lirinë