09/03/2022 23:13
Producenti i njohur mitrovicas, Fatjon Miftari ka njoftuar përmes një postimi në Facebook se është përzgjedhur t’a përfaqësoj shtetin e Qipros si kompozitor dhe producent në Eurovision Song 2022.
Miftari e ka cilësuar këtë hap si shumë të rëndësishëm për karrierën e tij, shkruan Jepi zë.
Njëherësh, ai ka falenderuar të gjithë bashkpunëtorët për projektin dhe eksperiencën e veçantë.
Postimi i plotë:
Shoqëri e dashur,
Kam kënaqësinë të ndaj me ju një lajm i cili është shumë i rëndësishëm për karrierën time.
Këtë vit jam përzgjedhur të përfaqësoj shtetin e Qipros në Eurovision Song Contest 2022, si kompozitor dhe producent i këngës përfaqësuese së bashku me disa emra të mëdhenj të muzikës botërore si: Alex P, Arash, Eyelar Mirzazadeh, Robert Uhlmann, Viktor Svensson.
Dua të falënderoj vecanërisht dy kolegët e mi, kompozitorët Yll Limani dhe Filloreta Raçi për punën e tyre të mrekullueshme në këtë projekt.
Falënderoj delegacionin e Qipros për besimin dhe të gjithë bashkëpunëtorët për këtë eksperiencë shumë të vecantë!
Shihemi më datë 14.05.2022 në Torino të Italisë në finalen e Eurovision 2022!
Uroj të ju pëlqej! ♥️🎵
ANDROMACHE – «ELA»: ΠΡΩΤΗ ΜΕΤΑΔΟΣΗ ΤΟΥ VIDEO ΤΗΣ ΚΥΠΡΟΥ ΓΙΑ ΤΗ EUROVISION 2022