22/04/2022. 19:53
Sot gjatë ditës për vizitë në Mitrovicë ka qenë kryetari i PDK-së, Memli Krasniqi.
Në ditën botërore të tokës, Krasniqi së bashku me kryetarin e Mitrovicës, Bedri Hamza, kanë mbjellur disa pemë.
Postimi i plotë nga Krasniqi:
Toka dhe mjedisi na bashkojnë të gjithëve. Të dyja janë interes i secilit person në botë. Si të tilla, është në obligimin tonë të përditshëm që të kontribuojmë për një tokë dhe mjedis më të pastër, më të sigurtë e më të jetueshëm.
Sot, në Ditën e Tokës, duke nderuar moton e këtij viti – “Investoni në Planetin Tonë” – së bashku me Kryetarin e Komunës së Mitrovicës, Bedri Hamza, mbollëm disa pemë në sheshin “Adem Jashari”.
Ndryshimi i klimës globale dhe epidemitë e shumta, janë thirrje për të gjitha shtetet dhe popujt që të fokusohen në politika të gjelbra, si e vetmja mënyrë për të mbrojtur planetin tonë. Secili mund të luaj rolin e tij në krijimin e një mjedisi më ekologjik – qoftë duke mbjellur një pemë, disa lule apo duke pastruar ambientin ku jeton dhe punon.
Mos hezitoni – Bashkë për Tokën 🌏 🌳
