01/06/2022. 10:05
Qeveria Kurti do të mbajë sot mbledhjen e radhës.
Në mbledhjen e sotme të kabinetit qeveritar ndër pikat e rendit të ditës do të jetë edhe shqyrtimi i draftkonceptit për themelimin e Fondit Sovran të Republikës së Kosovës.
Mbledhja pritet të fillojë në orën 11:00.
Kjo është mbledhja e parë e qeverisë pas një vizite mbi 20 ditore që kryeministri Kurti kishte në Shtetet e Bashkuara të Amerikës dhe më pas edhe në Zvicër.
Kurti gjatë qëndrimit në Amerikë u takua me senatorë, përfaqësueses të bizneseve dhe me mërgatën shqiptare.
Kryeministri pati një takim edhe me këshilltarin për Siguri Kombëtare të presidentit Biden, Jake Sullivan, takim ky që Kurti e cilësoi shumë të rëndësishëm.