08/11/2021 10:04
Kryesia e Kuvendit të Kosovës sot do ta mbajë mbledhjen e radhës.
Në këtë mbledhje, e cila do të fillojë nga ora 12:00, pritet të diskutohet për përgatitjen e seancës se ardhshme plenare.
Njëra ndër pikat është shqyrtimi i raportit vjetor të KQZ-së për vitin 2020, si dhe shqyrtimi i kërkesës së Fondit të Kursimeve Pensionale për miratimin e taksave vjetore për vitin 2022.
Rendi i ditës:
– Miratimi i procesverbali të mbledhjes së mëparshme të Kryesisë së Kuvendit,
– Përgatitjet për seancën e radhës:
– Deklarimet jashtë rendit të ditës,
– Pyetjet parlamentare,
– Shqyrtimi i Projektligjit për ratifikimin e “Amendamentimit nr. 1 të Marrëveshjes Financiare për IPA 2016 ndërmjet Kosovës dhe Bashkimit Evropian”,
– Shqyrtimi i Projektligjit për ratifikimin e Marrëveshjes në mes të Republikës së Kosovës Përfaqësuar nga Ministria e Financave, Punës dhe Transfereve dhe Qeverisë së Zvicrës përfaqësuar nga Departamenti Federal i Punëve të Jashtme përmes Agjencisë Zviceranë për Zhvillim dhe Bashkëpunim mbi programin Menaxhimi i Integruar i Burimeve Ujore në Kosovë,
– Shqyrtimi i Projektligjit për ratifikimin e këmbimit të notave diplomatike në lidhje me asistencën e ofruar në formë granti sipas Aktit për ndihmë të jashtme të vitit 1961 dhe Aktit për kontroll të shitjeve të armëve mes Kosovës dhe SHBA-së,
– Propozimi i dy kandidatëve për gjyqtarë në Gjykatën Kushtetuese,
– Shqyrtimi i parë i Projektligjit për ndryshimin dhe plotësimin e Ligjit për festat zyrtare në Kosovë,
– Shqyrtimi i parë i Projektligjit për pijet e forta alkoolike,
– Shqyrtimi i parë i Projektligjit për ndryshimin dhe plotësimin e Ligjit për mbeturina,
– Shqyrtimi i parë i Projektligjit për bujqësi dhe zhvillim rural,
– Shqyrtimi i kërkesës së Fondit të Kursimeve Pensionale për miratimin e taksave vjetore për 2022,
– Shqyrtimi i Raportit vjetor të KQZ-së për 2020.