21\04\2022 21:14
Kryeministri i vendit, Albin Kurti, pas takimit që pati me senatorët amerikanë, në adresim të përbashkët për media, u shpreh se Kosova është rrëfim i suksesit të rezistencës së popullit dhe luftës çlirimtare kundër Serbisë.
Tutje ai ka përmendur edhe renditjen e Kosovës sa i përket përparimit në luftimin e krimit dhe korrupsionit, përcjell klankosova.tv.
”Kosova është një rrëfim i suksesit, i rezistencës së popullit të saj dhe luftës çlirimtare bashkë me NATO-n, BE-në e SHBA-në. Sot Kosova është krenare me të arriturat e saj”.
”Kosova ka shënuar përparim në luftimin e krimit dhe korrupsionit, për shkak se jemi rritur në 17 vende”.
”Nuk kemi harruar ta theksojmë rëndësinë e rritjes dhe thellimit të bashkëpunimit nëpërmjet Republikës së Kosovës dhe ShBA-së”.
”Në takimin tonë të përbashkët kam theksuar që kurrë nuk ka qenë më e rëndësishme se tani që të gjitha shtetet demokratike të qëndrojnë bashkë kundër luftës në Ukrainë”.
”Në këtë kontekst, Kosova ka mbajtur qëndrimin e njëjtë me SHBA-në, NATO-n dhe BE-në e në anën tjetër kemi autokracitë që mund të jenë të ndara nga populli i tyre por po bashkëpunojnë me njëra-tjetrën”.