04/06/2022. 11:38
Ministria e Shëndetësisë ka njoftuar se Instituti Kombëtar Shëndetësisë Publike të Kosovës, më 3 qershor, nga Klinika Infektive, QKUK, ka pranuar një raportim për një rast të dyshimtë në Lijën e majmunëve (Monkeypox).
Pacienti është mashkull, i lindur më 1953 nga komuna e Dragashit.
Sipas MSh-së, pacienti shtë i hospitalizuar në Klinikën Infektive dhe i është marrë mostër nga ndryshimi lëkuror dhe do të dërgohet për analiza laboratorike.
“Gjendja e pacientit është stabile. Po vazhdon mbikëqyrja epidemiologjike e pacientit dhe gjurmimi i kontakteve. Mostra do të dërgohet në laboratorin referent të OBSh në Hollandë, presim edhe rezultatet laboratorike deri në diagnozën përfundimtare sipas kritereve të parapara”, ka njoftuar MSh-ja.
Investigate-Europe.eu
Pacienti është në izolim, i hospitalizuar në Klinikën Infektive, QKUK.
Ministria e Shëndetësisë dhe IKSHPK, njofton qytetarët se për çdo informatë të re, opinioni publik do të informohet në kohë reale, dhe se situata është e qetë dhe stabile.