Këshilli i Prindërve ka kërkuar që greva në arsimin fillor të ndalohet me ligj.
Ky këshill shprehet kundër grevave që dëmtojnë fëmijët.
Këshilli në reagimin e tij thekson se janë po ashtu kundër trajtimin të padrejtë të mësimdhënësve.
“Asnjëherë dakord me grevën e SBASHK, asnjëherë solidarë me drejtuesit e paarsyeshëm të SBASHK dhe asnjëherë dakord me logjikën e të bërit grevë të plotë, të paafat, të pamëshirshme e shumë të dëmshme të fëmijët tanë, arsimin dhe vendin tonë. Por greva në arsimin fillor obligativ duhet ndaluar me ligj. Pikë”.
“Por, gjithnjë solidarë me mësimdhënësit kur trajtohen padrejtësisht e jashtë çdo norme, me interpretim të njëanshëm ligjor dhe jashtë të gjitha praktikave të deritanishme”.