Familja Veseli përmes një postimi në “facebook” ka shprehur mirënjohje të thellë për të gjithë ata që në këto momente pikëllimi iu na qëndruan pranë, trasmetn “Radio-Ylberi”.
“Falenderim për secilin prej jush, nga të gjitha qytetet e Kosovës, nga Shqipëria, Maqedonia e të gjitha viset ku jetojnë shqiptarët, që na vizituat e na shkruat, duke ndarë bashkë me ne pikëllimin.” thuhet në postim.
Postimi i plotë:
Të nderuar qytetarë, miq e dashamirë,
Shprehim mirënjohjen tonë të thellë për të gjithë ju që në këto momente pikëllimi për vdekjen e nënës dhe gjyshes tonë, Ajshe Veselit, na qëndruat pranë.
Falenderim për secilin prej jush, nga të gjitha qytetet e Kosovës, nga Shqipëria, Maqedonia e të gjitha viset ku jetojnë shqiptarët, që na vizituat e na shkruat, duke ndarë bashkë me ne pikëllimin.
Një mirënjohje e lartë për vizitat dhe mesazhet e përfaqësuesve të institucioneve të Republikës së Kosovës, Shqipërisë e Maqedonisë, përfaqësuesve të partive politike, bashkatdhetarëve nga diaspora dhe bashkëluftëtarëve të Kadriut.
Nëna Ajshe, ashtu sikurse babai e gjyshi Fazli Veseli, do të na mungojë përherë. Ne jemi krenarë për virtytet e larta njerëzore të tyre dhe përherë mirënjohës që na e lanë si trashëgim respektin për njerëzit dhe frymën e dashurisë për atdheun.
Paçit gëzime dhe shëndet në familjet tuaja!
Me respekt,
Familja Veseli.