SPORT

31/01/2022 20:12 Sulmuesi i Kosovës Vedat Muriqi, do të jetë pjesë e skuadrës spanjolle Mallorca. Muriqi ishte pjesë e Lazios por nuk arriti të lë gjurmë tek ky ekip. Ai është huazuar deri në fund të sezonit, por Mallorca do të ketë të drejtë që ta blejë kartonin e plotë nëse arrin ta tregojë vetën në La Liga. Zyrtarizimi u bë në mënyrë të veçantë nga ana e klubit. “Na falni për vonesën, veçanërisht ti, Vedat”,-shkruan në njoftimin e Mallorcas.

Drejtoresha e DKRS-së Valdete Idrizi ka takuar tenisten e shkëkqyeshme , kampionen e Kosovës në tenis, në kategorinë U14, Altea Hajrizi dhe trajnerin Veton Hajrizi. Ky takim është realizua pak para nisjes së tyre për Zvicër, me ftesë nga Akademinë e Tenisit atje. Trajneri Hajrizi e informoi zonjën Idrizi për rezultatet e arritura deri sot, për sfidat si dhe për planet e tyre për këtë tenisere të suksesshme. Idrizi i falenderoi për punën, iu uroi dhe uroi për shpalljen “Tenistja e vitit 2021, në kategorinë e saj, U14”, nga Federata e Tenisit në Kosovë, si dhe iu premtoi përkrahjen e parezervë nga Institucioni që ajo drejton!

31/01/2022 13:22 Real Madridi ka arritur marrëveshje për ta marrë falas yllin e Paris Saint-Germainit, Kylian Mbappe, në verë, sipas gazetës gjermane Bild. Kylian Mbappe do t’i bashkohet Real Madridit falas në verë, raporton Gazeta Express. Yllit francez i skadon kontrata me PSG-në më 30 qershor dhe kjo nënkupton se ai është i lirë të largohet falas në verë. Real Madridi ka shumë kohë që bën përpjekje të mëdha për ta blerë Mbappen nga PSG-ja, por ka dështuar deri tani për shkak të ngurrimit të gjigantit francez për ta lëshuar 23-vjeçarin. Verën e kaluar, PSG-ja i hodhi poshtë dy oferta të majme të Madridit, përfshirë një në vlerë 200 milionë euro, për Mbappen, me shpresën se do ta bindte atë të nënshkruante marrëveshje të re me klubin dhe ta zgjaste qëndrimin në kryeqytetin francez...

28/01/2022 Distria Krasniqi e ka fituar medaljen e artë në “Grand Prix Almada 2022” që po mbahet në Portugali. Ajo e mposhti një nga një kundërshtaret në kategorinë deri në 52 kilogramë. Krasniqi në finale e mposhti me Ippon garuesen kroate, Ana Viktorija Puljiz.

25\01\2022 19:16 Futbollisti i Kosovës, Vedat Muriqi, është në kërkim të një klubi ku mund të luajë, duke qenë se nuk ka hapësira te Lazio. Mediat italiane kanë vazhduar të spekulojnë për të ardhmen e tij edhe në këto ditë të mbetura të afatit kalimtar të janarit. Eksperti i transferimeve, Alfredo Pedulla, njofton se 27-vjeçari është në bisedime me klubin spanjoll, Mallorca. Në një postim në Twitter, ai ka thënë se kontaktet tashmë janë konfirmuar dhe se po negociohet në gjetjen e formulës së transferimit. Kujtojmë që ditë më parë u raportua se sulmuesi i Lazios e ka refuzuar një transferim te klubi francez, Saint-Etienne.