SPORT

27/06/2022. 22:37 Bad News Eagle janë kualifikuar në gjysmëfinale të REPUBLEAGUE. Ekip shqiptar triumfoi me rezultat të përgjithshëm 2-1, ndaj ekipit rus forZe, për të vazhduar në fazën tjetër të turneut. Bad News Eagle ndeshjen e parë në mapën De_nuke e fitoi me rezultat 16-9. Në Mirage, triumfoi ekipi rus, me rezultat 16-12 – por në Inferno, Bad News Eagle arritën të fitonin me rezultat 16:11, duke kaluar në gjysmëfinale.

26/06/2022. 23:38 Trajneri i trofeve në super formë. Gani Sejdiu, është njëri nga trajnerët më të suksesshëm kosovar. Ai ka një respekt të madh në krejt Kosovën e sidomos në qytetin e Mitrovicës. Ai kohet e fundit po meret edhe me sportin e fitnesit. Padyshim Gani Sejdiu, ka qenë dhe mbetet një sportist i madh dhe një njeri i jashtzakonshëm.

26/06/2022. 14:52 Karateistja kosovare, Albulena Gërvalla, do të garojë për medaljen e bronztë, pasi u mund në gjysmëfinale të kategorisë -55 kg në Lojërat Mesdhetare Oran 2022. Gërvalla pësoi humbje nga algjeriania Abouriche Louiza, në luftën ku garuesja jonë pati edhe një lëndim. Mbetet të shihet nëse do të arrijë të rikuperohet nga lëndimi dhe të paraqitet në garën për medaljen e bronztë. Gërvalla fitoi në çerekfinale ndaj francezes, Assma Charif, kampione botë për U-21. Raundin e parë, Gërvalla e kaloi pa luftë.

26/06/2022. 10:58 Janë hapur edhe zyrtarisht Lojërat e 19-ta Mesdhetare Oran 2022, të cilat prej 25 qershor – 6 korrik 2022, do të mbahen në Oran të Algjerisë. Ceremonia hapëse u mbajt në stadiumin olimpik të Oranit. Ekipi olimpik i Kosovës parakaloi me rreth 40 anëtarë, të cilëve iu prinin flamurmbajtësit, Fortesa Orana, karateiste dhe Egzon Shala, mundës. Në stadium, të pranishëm krahas personaliteteve të larta të shtetit të Algjerisë dhe shteteve tjera, ishin edhe drejtuesit e KOK-ut me presidentin Ismet Krasniqi, si dhe zëvendësministrja për Kulturë, Rini e Sport, Daulina Osmani. Rreth 50 mijë të pranishëm në stadium dhe mijëra të tjerë që mbetën jashtë, panë ceremoninë që përkonte me traditën dhe kulturën algjeriane, derisa nuk mungonin fishekzjarrët e shumtë që ndriçonin qie...

25/06/2022. 19:41 Presidenti i UEFA-s, Aleksander Ceferin, ka diskutuar për mosmarrëveshjen e vazhdueshme midis organeve drejtuese të futbollit evropian, mes klubeve që kërkojnë formimin e Superligës. Pasi theksoi se UEFA nuk ka synime për të qenë monopol, ai shprehu besimin se asnjë skuadër, përveç Real Madridit, Barcelonës dhe Juventusit, nuk është e gatshme të marrë pjesë në projektin e Superligës. “Unë do të them se UEFA nuk është monopol. Mund të marrësh pjesë në kupat tona ose të organizosh të tuat. Por atëherë, është e logjikshme që të mos luash në tonat, apo jo?”, tha Ceferin për La Gazzetta dello Sport. Ceferin, projektin e Superligës e quajti të vdekur pavarësisht vendimit të gjykatës, teksa shtoi se i sheh veç tre njerëz të zemëruar duke i çuar të gjithë në gjykatë. Cefe...

25/06/2022. 14:43 Ekipet e Kosovës, në të dy konkurrencat, e kanë nisur në mënyrën më të mirë të mundshme ditën e shtunë në Kampionatin Ballkanik të volejbollit në rërë, i cili po zhvillohet në Balikesir të Turqisë. Në konkurrencën e meshkujve, dyshja Fatlum Hajrizi/Erion Bajrami fitoi me rezultat 2-0 në sete, pasi ekipi serb nuk u paraqit në fushë. Në anën tjetër, vajzat Dhuratë Sylejmani/Valmira Ramadani – të drejtuara nga trajneri Edon Ibrahimi – treguan paraqitje brilante kundër Turqisë, duke triumfuar me rezultat 2-0 (21-15, 21-15) në sete. Vajzat ndeshjen e radhës e zhvillojnë po ashtu kundër Turqisë, sot me fillim nga ora 15:40. Në anën tjetër, meshkujt do të takohen me Moldavinë ose Turqinë, varësisht nga rezultati i ndeshjes tjetër, në përballjen që luhet me fillim nga ora ...

19/06/2022. 23:54 Arlind Shala tash e 2 vite mirret vetëm me pregaditjën fizike të sportistëve e konkretisht të futbollistëve dhe me anë të punës së tij ka arritur qe të jetë zgjedhje e parë për shumicën e futbollistëve më me emër ne Kosovë. Shkruan Radio-Ylberi Tashmë ai ka zgjuar interesin e shumë klubeve në futbollin tonë për ta pasur në shtabin e tyre teknik mirepo sot ai ka arritur marrveshje me trainerin e mirënjohur Fidaim Haxhiun që të jetë pjesë e stafit të tij konkretishtë të akademis së tij me qendër në Prishtinë.

12/06/2022. 22:53 Kosova është mposhtur në udhëtim nga Greqia me rezultat 2-0, duke humbur edhe matematikisht gjasat për vendin e parë. Se provokimet do të ishin të pranishme nga tifozët grekë vazhdimisht, e dëshmoi fakti kur u vërshëllye me të madhe himni i Kosovës para fillimit të ndeshjes. Më pas, futbollistët kosovarë u penguan nga lazerët e tifozëve grekë në tërë ndeshjen. Përkundër kësaj, Kosova u mbajt mirë në pjesën e parë, e cila u mbyll pa gola, ndonëse ishte shumicën e kohës në mbrojtje. Goli i parë i ndeshjes erdhi në minutën e 71-të, kur Giakoumakis shënoi me kokë. Pas golit, ndeshja u ndërpre për më shumë se pesë minuta, pasi tifozët grekë hynë në fushë dhe nisën përleshjen me tifozët kosovarë. Ishte Vedat Muriqi që dëgjohej duke i thënë gjyqtarit kosovar që ta ndërpris...