POLITIKË

22/09/2021 16:14 Kryeministri i Kosovës, Albin Kurti sot priti në takim kryetaren e Kuvendit të Shqipërisë, Lindita Nikollën. Nga ky takim mediet lejohen të marrin pamje vetëm në oborrin e ndërtesës së qeverisë. Lindita Nikolla u zgjodh kryetare e Kuvendit të Shqipërisë më 10 shtator. Kjo është vizita e parë zyrtare e saj në Kosovë, pas marrjes së detyrës. Në mëngjes ajo u takua edhe me kryetarin e Kuvendit të Kosovës, Glauk Konjufcën

22/09/2021 10:07 Kandidatët për kryetar të Mitrovicës janë mbledhur për kafe në veri. Kësaj iniciative të kandidatit të Lidhjes Demokratike të Kosovës, Armend Agolli, i është përgjigjur kundërkandidati nga Partia Demokratike e Kosovës Bedri Hamza dhe përfaqësuesit e Iniciativës Qytetare. Në takim nuk vërehet prania e kryetarit aktual dhe kandidatit të Vetëvendosjes Agim Bahtiri. Por, Bahtiri ka thënë se ai nuk do të ketë mundësi të shkojë në takim pasi që në këtë kohë e ka ftuar Këshillin për Siguri në Bashkësi. “Për shkak të rrethanave të krijuara në veri pas aksionit të policisë, për nesër në ora 9:00 kam të ftuar takim me Këshillin Komunal për Siguri në Bashkësi”. Ai pati kërkuar që të ndryshohet orari i takimit të propozuar nga Agolli, prej orës 09:00 në ora 10:00. “Unë sapo bise...

22/09/2021 9:09 Kryeministri Albin Kurti do të mbledhë sot ministrat, me fillim nga ora 10:00, trasmeton “Radio-Ylberi” Lajmin e ka bërë të ditur Zyra e Kryeministrit, përmes një njoftimi drejtuar mediave.

21/09/2021 09:24 Ministrja e Punëve të Jashtme, Donika Gërvalla, ka zhvilluar një takim me homologun e tij slloven, Anze Logar, me të cilin folën për vendosjen e reciprocitetit të targave me Serbinë. Gërvalla tha se vendimi i Qeverisë së Kosovës është në përputhje me marrëveshjen e nënshkruar nga të dyja palët në Bruksel dhe se tensioni i shkaktuar duhet të shihet si veprim i njëanshëm i Serbisë. “Nga ana e tij kryediplomati slloven theksoi qëndrimin mbështetës të Sllovenisë karshi integrimit evropian të Kosovës”, thuhet në komunikatën e MPJ-së. Kujtojmë se Gërvalla është duke zhvilluar një vizitë zyrtare në Shtetet e Bashkuara të Amerikës.

20/09/2021 08:42 Nga sot nuk lejohet qarkullimi i veturave me targa KS, dhe të gjithë që posedojnë këto targa nuk do të lejohen të kalojnë kufirin. Njësia Speciale e Policisë së Kosovës është duke shkuar drejtë pikave kufitare në Veri për të monitoruar situatën. Disa Blinda të Policisë janë rrugës për në pikat kufitare me Serbinë për të mbajtur rendin dhe për të zbatuar këtë urdhër, trasmeton Infokus Kjo mund të shkaktoj tollovi dhe trazira te qytetarët serb të veriut të Republikës së Kosovës.

19/09/2021 09:38 Nesër, do të fillojë sesionin vjeshtor ku do të procedohen 24 Projektligje nga sesioni i kaluar, bashkë me 193 të tjera, që janë në agjendën legjislative vjeshtore. Shoqëria civile vlerëson se për shkak të punës së shkurtër të Kuvendit të Kosovës, ata do të duhej të vendosnin prioritete, ndërkaq sipas tyre duhet të ketë një reformë si kompensohen deputetët për punën e tyre dhe për mungesa të sanksionohen me pagë. Agnesa Haxhiu nga Instituti Demokratik i Kosovës, ka thënë për RTV Dukagjinin se Kuvendi i Kosovës, duhet të vendos prioritete. “Mendoj se Kuvendi i Kosovës duhet të vendos prioritete edhe këto planet për këtë periudhën e mbetur të vitit të jenë më realiste në përputhje edhe me afatin kohor që ka mbetur deri në përfundim të vitit 2021”, u shpreh Haxhiu. Kurse ...