POLITIKË

14/07/2022. 14:29 Kryeministri i Malit të Zi, Dritan Abazoviq, i ka uruar mirëseardhje Përfaqësuesit të Lartë të BE-së për Punët e Jashtme dhe Siguri, Josep Borrell, në “anëtarin e ardhshëm të BE-së”. “Me mbështetjen e partnerëve tanë evropianë, ne po ndërtojmë një Mal të Zi që është më i qëndrueshëm dhe më me prosperitet. Këshilli i 11-të i Stabilizim-Asociimit BE-Mali i Zi mbahet për herë të parë në Mal të Zi. Një nxitje e madhe që të vazhdojmë të ecim edhe më shpejt në rrugën drejt BE-së. Josep Borrell, mirëseerdhe në shtetin e parë anëtar të ardhshëm të BE-së”, ka shkruar ai në Twitter.

10/07/2022. 23:22 Kryeministri i Malit të Zi, Dritan Abazoviq, ka reaguar pasi kryesia e Partisë Demokratike të Socialistëve (DPS) e Milo Gjukanoviqit vendosi njëzëri të dielën, më 10 korrik, që të ndërpresë mbështetjen për Qeverinë e Malit të Zi të udhëhequr nga Dritan Abazoviq. Ai tha se e mirëpret vendimin e Kryesisë së DPS-së. ”E mirëpres vendimin e Kryesisë së DPS-së. Është përgjegjës edhe si burrë shteti kur nuk ke mundësi ta ndihmosh shtetin, të paktën të mos hakmerresh ndaj tij. Do të shohim se cili do të jetë qëndrimi i shumicës së deputetëve. Mali i Zi duhet të ecë përpara – krimi, korrupsioni dhe nacionalizmi nuk janë opsione. E ardhmja evropiane do të fitojë!”, ka shkruar Abazoviq në facebook. Arsyeja këtij zhvillimi është Marrëveshja Themelore me Kishën Ortodokse Serbe...

10/07/2022. 20:50 Partia Demokratike e Socialistëve e Malit të Zi, e cila udhëhiqet nga presidenti i këtij vendi Milo Gjukanoviq, e ka ndërprerë mbështetjen për qeverinë e kryeministrit Dritan Abazoviq. Kjo u vendos pas mbledhjes së kryesisë së kësaj partie. Në njoftimin e partisë thuhet se arsyeja e ndërmarrjes së këtij hapi është Marrëveshja Themelore me Kishën Ortodokse Serbe e cila u votua nga shumica e ministrave e Qeverisë së Abazoviqi të premten, më 8 korrik. DPS deklaroi se marrëveshja me Kishën Serbe kërcënon interesat shtetërore të Malit të Zi. Kjo parti vlerëson se Qeveria ndryshoi kursin politik për të cilin ishte rënë dakord me formimin e saj. “Qeveria e braktisi detyrën prioritare të përmbushjes së detyrimeve nga agjenda e integrimit evropian dhe me nguti dhe në mën...

10/07/2022. 11:00 Deputetja e PDK-së, Blerta Deliu-Kodra, ka thënë se politika e jashtme e vendit është jofunksionale dhe anemike, pavarësisht vizitave të shumta jashtë vendit të krerëve institucional. Ajo thotë se nuk ka parë asgjë konkrete nga këto vizita, në kuptimin e anëtarësimit të Kosovës në organizata ndërkombëtare dhe njohje të reja. Deputetja opozitare adreson kritika edhe ndaj kryeministrit Albin Kurti për krizën ekonomike, për çka thotë se ka rënie të pëlqyeshmërisë qytetare ndaj tij. “Me përjashtim të aplikimit të Kosovës në Këshillin e Evropës, nuk kemi parë diçka sa i përket aktivitetit që ka pasur presidentja dhe Qeveria e Kosovës, kryeministri dhe ministrja e Jashtme për të fuqizuar Kosovën dhe politikën e saj të jashtme. Nuk ka asnjë anëtarësim të ri të Kosovës në ...

09/07/2022. 23:13 I dërguari special i BE-së për dialogun Kosovë – Serbi, Miroslav Lajçak, ka bërë të ditur se janë gati tri ose katër marrëveshje mes dy vendeve, teksa shtoi se pret që ato shpejt të finalizohen. Në Forumin e 15-të në Dubrovnik, ai tha se ka edhe marrëveshje që takimet të zhvillohen në nivelin më të lartë, pra mes kryeministrit të Kosovës, Albin Kurti dhe presidentit serb Aleksandar Vuçiq. Sipas tij, dy çështje urgjente janë fillimi i negociatave për pranimin e Shqipërisë dhe Maqedonisë së Veriut në Bashkimin Evropian, si dhe heqja e regjimit të vizave për Kosovën, raporton N1. Lajçak tha se BE duhet të përfundojë punën e papërfunduar kur bëhet fjalë për integrimin e Ballkanit Perëndimor. “Ne ishim të vetëkënaqur për një kohë të gjatë. Kjo nuk mund të vazhdojë më. ...

05/07/2022. 17:56 Koalicioni i Shqiptarëve të Luginës ka reaguar pasi e ka siguruar një ulëse në Kuvendin e Serbisë. Me anë të një njoftimi, përfaqësuesi i këtij koalicioni, Shaip Kamberi ka thënë se se janë në komunikim me ish-partnerin e legjislaturës së kaluar, Partinë e Aksionit Demokratik (SDA) nga Sanxhaku, për ta vazhduar bashkëpunimin dhe për ta zgjeruar me partnerë të tjerë të mundshëm drejt themelimit të një grupi parlamentar. “Ditëve në vijim do t’i paraqesim kërkesat tona konkrete për Qeverinë e re të Serbisë. Siç jemi zotuar, jo për t’u bërë pjesë e koalicionit të ri qeveritar, por si parakusht për ta votuar ose jo kabinetin e ri qeveritar. Këto kërkesa do t’i bëjmë publike para mbajtjes së seancës plenare”. “Themelimi i Kuvendit dhe Qeverisë së re të Serbisë duhet të...

01/07/2022. 10:52 Presidenti i Republikës Ilir Meta ka uruar Shaip Kamberin për fitoren e mandatit të deputetit në Kuvendin e Serbisë. Meta shkruan në një postim në “Facebook” se është besimplotë se ai do të jetë një zë i fuqishëm në mbrojtje të të drejtave të shqiptarëve të Luginës së Preshevës. Postimi i plotë: Urime Shaip Kamberit për fitoren e mandatit të deputetit në Kuvendin e Serbisë. Besimplotë se do të jetë një zë i fuqishëm dhe përfaqësues në mbrojtje të të drejtave të shqiptarëve të Luginës së Preshevës. 🇦🇱

30/06/2022 23:24 Shaip Kamberi është zgjedhur deputet i Kuvendit të Serbisë. Kjo është konfirmuar edhe nga Kryetari i Këshillit Kombëtar në Luginë, Ragmi Mustafi. Ky është postimi i plotë i Mustafit që konfirmon zgjedhjen e Kamberit: 698 ❤️🇦🇱 Shaip Kamberi Deputet. Nuk u dorëzuam për 4 herë radhazi, u organizuam e mobilizuam edhe për të 5-ten herë. Fituam. Urime. Tërnoci vërtetë është i madh.

29/06/2022. 22:58 Presidenti i Serbisë, Aleksandër Vuçiq, tha se dialog ndërmjet Kosovës dhe Serbisë, aktualisht nuk ka. Ai i bëri komentet pas takimit në Beograd me përfaqësuesin e posaçëm të Bashkimit Evropian për dialogun Kosovë-Serbi, Mirosllav Lajçak. Vuçiq tha se ka rënë dakord me të që mediave t’u drejtohet vetëm ai. “Unë e informova [Lajçakun] se për çfarë dua të flas dhe se dua të tregoj të vërtetën për gjithçka që po ndodh… dhe se cilat janë qëllimet e fuqive perëndimore. Fjala e tij është e rëndësishme dhe nuk dua ta vë në një situatë të pakëndshme”, tha Vuçiq. “Kemi një ndryshim të plotë të situatës në Ballkanin Perëndimor dhe në Serbi, e veçanërisht në Kosovë”, tha Vuçiq, duke reaguar ndaj vendimit të Qeverisë së Kosovës për mundësitë e ri-regjistrimit të veturave me ta...

17/06/2022. 18:58 Kryetari i koalicionit të Shqiptarëve të Luginës, Shaip Kamberi, për 13 vota, nuk arriti të fitojë një ulëse në kuvendin e Serbisë, duke marrë 598 vota nga 611, sa i duheshin. Por, zgjedhjet në Tërnoc të Preshevës do të mbahen sërish, pas ankesës nga ana e Kamberit. Këtë e ka konfirmuar Kamberi, i cili është shprehur se Gjykata Administrative ka vendosur në favor të tyre. “Po, do të përsëriten, sot ka vendosur Gjykata Administrative, duke aprovuar ankesën tonë”, është shprehur Kamberi. Derisa Kamberi shtoi se nesër do të vendosë Komisioni Republikan se kur do të mbahen zgjedhjet e ardhshme. Kjo do të jetë hera e katërt që do të mbahen zgjedhjet në këtë komunë të Preshevës.