POLITIKË

13/08/2022. 17:28 Kryetari i Partisë Demokratike të Kosovës, Memli Krasniqi, ka shprehur mirënjohje për shtetin shqiptar dhe kryeministrin Edi Rama, për adresimin e Shqipërisë në Asamblenë Parlamentare të Këshillit të Evropës, me kërkesë për të rishikuar rezolutën e KE-së që merr për bazë raportin e Dick Martyt. Kreu i PDK-së tha se ky është hapi i parë në rrugën tonë të përbashkët drejt konfirmimit të së vërtetës, të drejtës e drejtësisë. “Jam jashtëzakonisht mirënjohës ndaj shtetit shqiptar, që tashmë edhe zyrtarisht është vënë në mbrojtje të së vërtetës së luftës së pastër të Ushtrisë Çlirimtare të Kosovës, për ta çliruar këtë të vërtetë nga pretendimet e fabrikuara e të pabaza kundër lirisë dhe pavarësisë sonë”, tha Krasniqi Lideri i opozitës ka ftuar institucionet e Kosovës që...

09/08/2022. 18:08 Nëntë ditë pas tensioneve në veri lidhur me vendimin për masën e reciprocitetit me Serbinë për targat dhe letërnjoftimet serbe, kryeministri i Kosovës, Albin Kurti u takua me ambasadorët e vendeve të Quint-it dhe shefin e zyrës së BE-së në Kosovë, Tomas Szunyog. Në takimin që e zhvilloi bashkë me zëvendësin e tij, Besnik Bislimi, ishin të pranishëm ambasadori amerikan Jeff Hovenier, ai britanik Nicholas Abbott, i Gjermanisë Jorn Rohde, ambasadorja e Francës Marie-Christine Butel dhe ambasadori italian, Antonello De Riu. Përpos Bislimit, pjesë e takimit ishin edhe ministrja e Ekonomisë, Artane Rizvanolli dhe ai i financave Hekuran Murati, ku u diskutua për marrëveshjen mbi zbatimin e udhërrëfyesit të energjisë, që mundëson pagesën e energjisë nga konsumatorët në ...

06/08/2022. 13:51 Kryeministrja e Serbisë, Ana Bërnabiq, ka thënë se dialogu mes Serbisë dhe Kosovës është i kotë nëse formimi i Asociacionit të Komunave me Shumicë Serbe kushtëzohet në përputhje me ligjet e Kosovës. “Nëse e vendosni atë gardh në përputhje me ligjet e tyre e bën të kotë të gjithë dialogun, nëse edhe ata vetë nuk i respektojnë dhe as Prishtina nuk e respekton Kushtetutën e saj, sepse po ta respektonte nuk do të ekzistonte Ushtria e Kosovës sepse në Kushtetutë thuhet që lidhur me të është dashur të pyetën serbët, por nuk janë pyetur”. Kjo deklaratë e kryeministres serbe vjen pas asaj të emisarit amerikan për Ballkanin Perëndimor, Gabriel Escobar, i cili tha se Asociacioni nuk bën të jetë shtet në shtetin e Kosovës dhe se duhet respektuar Kushtetuta e Kosovës. Bër...

02/08/2022. 13:29 Deputeti shqiptar në Kuvendin e Serbisë, Shaip Kamberi, ka thënë se sot është takuar me ambasadorin e Shteteve të Bashkuara të Amerikës, Christopher R. Hill. Ai, me anë të një postimi në rrjetin social Facebook, ka deklaruar se me Hill kanë bashkëbiseduar për kërkesat të cilat në emër të Koalicionit të shqiptarëve të Luginës ia kanë dhënë presidentit serb Aleksandar Vuçiq, për nevojën e realizimit të Planit 7 pikësh dhe për situatën në Luginë në përgjithësi. “Prezenca më e madhe e SHBA-ve në Luginë dhe përkrahja e kërkesave tona legjitime ishin temë e bashkëbisedimit tonë”,ka shkruar Kamberi.

01/08/2022. 21:15 Ish-presidenti i Shqipërisë Ilir Meta, ka reaguar pas tensionimit të situatës në dy pikat kufitare në veriun e Kosovës. Meta i bëri thirrje Beogradit që të heqë dorë nga nxitja e grupeve kriminale në veri. “Beogradi të heqë dorë menjëherë nga nxitja e grupeve kriminale në veri të Kosovës me qëllim destabilizimin e situatës” – tha Meta. Gjatë së dielës në dy pikat kufitare në Jarinjë dhe Bërnjak ka pasur tensione për shkak të vendosjes së reciprocitetit me Serbinë për targat dhe dokumentet e identifikimit. Nga ana e serbëve ishin vendosur barrikadat në afërsi të këtyre dy pikave. Pas pezullimit për 30 ditë nga ana e Qeverisë së Kosovës të kësaj mase, sot janë larguar barrikadat dhe raportohet situatë më të qetë....

01/08/2022. 12:58 Shefi i diplomacisë së Bashkimit Evropian, Josep Borrell, ka ftuar në një takim në Bruksel kryeministrin e Kosovës, Albin Kurti, dhe presidentin e Serbisë, Aleksandar Vuçiq. Këtë e kanë konfirmuar për Radio Evropa e Lirë burimet në bllokun evropian. Kurti dhe Vuçiq kanë marrë ftesë për vazhdimin e dialogut, ku do të diskutohet për të gjitha çështjet e hapura mes dy shteteve. Burimet në Bruksel tërheqin vërejtjen se tensionet janë pasoja e drejtëpërdrejt e mungesës së vullentit të liderëve për t’u ulur dhe për të vazhduar dialogun. Zyrtarët në Bruksel theksuan se para fillimit të pushimeve verore në BE ishte planifikuar që të mbahej një takim mes liderëve të Kosovës dhe Serbisë. “Për shkak të atij fakti [të mosmbajtjes së takimit] tani kemi tensione që kanë potenc...

28/07/2022. 23:47 Deputetja e CDU-së Duda Balje ka folur për debatet që ka pasur në një komision parlamentar me Armend Mujën. Ajo në një lidhje telefonike në “Debat Plus” ka thënë se ka qëndrime të ndryshme me LVV-në për disa çështje dhe kjo është reflektuar edhe në komisionet punuese. “LVV nuk e ka shumicën tashmë në komisionin ku jam pjesë edhe unë. Lista serbe nuk merr pjesë ne komision fare dhe rrjedhimisht Armend Muja duhet ta tregojë vetën dhe të gjejë vota. Ata kërkojnë përjashtimin tim në mënyrë që në komision të vijë dikush tjetër nga Grupi Multietnik që do të mund t’i përshtatej LVV-së. Unë kam bindjet e mia”, tha ajo. “Unë për shkak të Armend Mujës nuk do të braktisi koalicion me LVV-në. Tash për tash nuk prishet koalicioni. Nuk është koha për zgjedhje. As ne e as opozit...

24/07/2022. 20:55 Kryetari i AAK-së, Ramush Haradinaj, e ka uruar presidentin e ri të Shqipërisë, Bajram Begaj, për marrjen e postit. Haradinaj i uroi mbarësi Begajt në funksionet e presidentit të Shqipërisë. “Ju premtoj bashkëpunim vëllazëror në çdo kohë dhe rrethanë”, shkroi Haradinaj. Kujtojmë se Begaj u zgjodh president më 6 qershor, teksa gjatë fjalës së tij sot në Kuvendin e Shqipërisë, nuk e përmendi asnjëherë Kosovën.

20/07/2022. 23:08 Kryeministri i Malit të Zi, Dritan Abazoviq deklaroi në Kuvend se nuk do të japë dorëheqje. Ai po ashtu thotë se për shkak të mbijetesës së Qeverisë nuk është i gatshëm të bëjë kompromise në dëm të shtetit malazez. Ai ka thënë se ri-konfigurimi i Qeverisë apo qeveria teknike janë opsione plotësisht legjitime. Deputeti socialdemokrat Damir Shehoviq e pyeti Abazoviqin nëse do të jepte dorëheqje, pasi humbi mbështetjen e shumicës parlamentare që e zgjodhi. I pari i qeverisë malazeze iu përgjigj Shehoviqit se ai nuk do të jap dorëheqje. “Nuk do të jap dorëheqje. Do të udhëheq qeverinë evropiane deri në momentin që parlamenti të vendosë të kundërtën pa tension”, tha kryeministri. Ai tha se nuk e ka problem që mandati i tij të jetë më i shkurtri në historinë e qeverive ...

14/07/2022. 22:45 Dritan Abazoviq, ka ofruar gatishmërinë e tij për të dhënë dorëheqjen nga pozita e kryeministrit të Malit të Zi. I pari i qeverisë malazeze, këtë e deklaroi për Vijesti, ndërsa u pyet, pasi partia Mali i Zi Demokratik, tha se Abazoviq do duhej ta bënte këtë sapo të përfundonte procesi zgjedhor i organeve të drejtësisë. ”Të gjithë duhet të kemi konsensus më të gjerë për zhbllokimin e gjyqësorit, të Gjykatës Kushtetuese. Le të kontribuojmë të gjithë për këtë dhe të themi: ‘Mirë, po shkojmë në zgjedhje të reja’. Por para kësaj, le ta bëjmë punën të përbashkët. Nëse kolegët demokratë, nëse e kam interpretuar saktë njoftimin, mendojnë kështu, unë jam gati të jap dorëheqjen”, është shprehur Abazoviq.