BOTË

05/12/2021 20:33 Kryetari i Aleancës Kosova e Re, Behgjet Pacolli, ka shprehur ngushëllime për vdekjen e ish-senatorit amerikan, Bob Dole. Ai, me anë të njoftimi në rrjetin social Facebook, ka thënë se Dole është hero i SHBA-së dhe i Kosovës. “Miku i madh i shqiptarëve, senatori Bob Dole paska ndërruar jetë. Senatori Dole, ishte në krah dhe në mbështetje të Kosovës në ditët më të rënda. Ai luftoi me të gjitha forcat kundër shtypjes, okupimit dhe të drejtës së popullit tonë për të jetuar i lirë”. “Liria dhe pavarësia jonë është edhe produkt i punës dhe angazhimit të senatorit Dole. Senatori Dole është hero i SHBA-së dhe i Kosovës. Pusho në paqe Senator Dole!,” ka thënë Pacolli.

05/12/2021 19:50 Ish-ambasadorja e Kosovës në Shtetet e Bashkuara të Amerikës, Vlora Çitaku, njëherësh nënkryetare e Partisë Demokratike të Kosovës, është shprehur e pikëlluar për ndarjen nga jeta të senatorit Bob Dole. Ajo thotë se në ditët më të rënda, senatori Bob Dole, qe zëri i Kosovës në SHBA, njofton Klankosova.tv. ”Me dhimbje pranova lajmin se miku ynë i çmuar, Senatori Bob Dole ka ndërruar jetë. Në ditēt tona më të rënda si komb, Senatori Dole ishte zëri ynë në SHBA. Liria dhe pavarësia e Kosovës janë ngushtë të lidhura me kontributin e Senatorit Dole. Pusho në paqe Senator. Kemi me të kujtu përjetë”.

05/12/2021 13:41 Pas 16 vjetësh në krye të ekonomisë më të madhe të Evropës, gjëja e parë që Angela Merkel dëshiron të bëjë kur të tërhiqet nga politika, është të bëjë ‘një sy gjumë’. Por çfarë ndodh pas kësaj? Kancelarja është shprehur në lidhje me atë që do të bëjë pasi t’ia dorëzojë detyrën pasardhësit të saj Olaf Scholz më 8 dhjetor. Gjatë katër mandateve të saj në detyrë, 67 vjeçarja Merkel shpesh përshkruhej si gruaja më e fuqishme në botë, por së fundmi ajo la të kuptohet se nuk do t’i mungojë të qenit në krye. “Do ta kuptoj shumë shpejt se e gjithë kjo tani është përgjegjësi e dikujt tjetër. Dhe mendoj se do të më pëlqej shumë kjo situatë”, tha ajo gjatë një udhëtimi në Uashington këtë verë. E njohur për qëndrueshmërinë e saj dhe aftësinë e saj për të mbetur e freskët pas ta...

03/12/2021 21:00 Zvicra ka njoftuar se do ta largojë masën e karantinës për udhëtarët e shteteve të huaja që hyjnë aty, si për të ardhurit nga Çekia, Holanda, Egjipti dhe Malavi. Shteti zviceran bëri këtë të ditur më 27 nëntor, si përgjigje ndaj rrezikut të përhapjes së variantit të ri të koronavirusit, Omicron. Në listën e karantinës së Zvicrës tani nuk është asnjë shtet dhe nga katër dhjetori do të hyjë në fuqi kjo masë e re. Këshilli Federal i Zvicrës ka bërë të ditur se të gjithë shtetasve të huaj që do të hyjnë aty, do t’u kërkohet dëshmia për një test negativ PCR. Rregullat e reja përcaktojnë që, përveç kryerjes së një testi PCR para udhëtimit, ata që hyjnë në Zvicër duhet të bëjnë një test të dytë PCR ose antigjen të shpejtë, në ditën e katërt ose në ditën e shtatë të qëndrim...

01/12/2021 09:30 Nga dita e sotme është ndaluar me ligj përdorimi i qeseve plastike në Maqedoninë e Veriut. Do të shiten vetëm qese plastike të biodegradueshme me çmim prej 15 denarëve (24 cent). Sipas Ministrisë së Mjedisit Jetësor dhe Planifikimit Hapësinorë, mjetet financiare që do të mblidhen, do të shkojnë në fondin me të cilin do të investohet në mjedisin jetësorë. Po ashtu nga sot objektet e hotelerisë e kanë të ndaluar të përdorin plastikë në zonat e mbrojtura si në Pelister, Mavrovë, Mali Sharr, etj./Alsat-M.

29/11/2021 16:00 Një stuhi e fuqishme goditi Stambollin dhe pjesë të tjera të Turqisë të hënën, duke vrarë të paktën tre persona dhe duke shkaktuar kërdi në qytetin me rreth 15 milionë banorë. Një grua u vra në lagjen Esenyurt të Stambollit, ku erëra të forta shkatërruan një pjesë të një çatie e cila ra mbi të dhe fëmijën e saj. Fëmija mbijetoi me plagë. Diku tjetër në qytet, erërat rrëzuan një kullë sahati, shkulën pemë dhe shkaktuan përmbysjen e të paktën tre kamionëve. Të paktën tetë persona u plagosën, raporton AP, transmeton Klankosova.tv. Bosfori, rruga e ngushtë ujore që ndan qytetin, u mbyll gjithashtu për trafikun detar dhe shërbimet e trageteve u anuluan.

29/11/2021 10:10 Edhe tre të mbijetuar nga aksidenti tragjik në “Struma” të Bullgarisë pritet të lëshohen nga spitali “Pirgov”. Ata do të transferohen në Qendrën Klinike të Shkupit ku do t’ju ofrohet ndihmë mjekësore dhe psikologjike. Ndërkaq dy të tjerë janë transferuar të shtunën dhe janë në gjendje stabile shëndetësore, shkruan Alsat-M. Në aksidentin tragjik që ndodhi para gjashtë ditësh humbën jetën 46 persona shtetas të Maqedonisë së Veriut, shumica prej tyre shqiptarë. Në mesin e tyre ishin 12 të mitur.