BOTË

26\02\2022 19:56 Presidenti i SHBA-së, Joe Biden, në një intervistë të transmetuar të shtunën, ka thënë se një nga qëllimet e tij kryesore strategjike ndërsa Rusia pushton Ukrainën është të mbajë NATO-n dhe Bashkimin Evropian të bashkuar. “Qëllimi im që në fillim ishte të sigurohesha që të mbaja të gjithë NATO-n dhe Bashkimin Evropian në të njëjtën anë. Sepse e vetmja gjë që mendoj se Putini mendoi se mund të bënte ishte të ndante NATO-n. Dhe kjo nuk ka ndodhur”, citohet të ketë thënë Biden, shkruan CNN. Biden parashikoi gjithashtu se Rusia do të paguante një çmim të rëndë si në planin afatgjatë ashtu edhe në atë afatshkurtër për agresionin në Ukrainë, duke shtuar se konflikti po afron Evropën dhe NATO-n. “Ai po prodhon efektin e kundërt që kishte synuar”, tha Biden për Putinin. K...

26/02/2022 12:27 Një video e Ministrisë së Mbrotjes ruse ku flet zëdhënësi i saj është shfaqur harta e Kosovës në kufijtë shtetërorë të saj. Teksa zëdhënësi i Ministrisë së Mbrojtjes, Igor Konashenkov ishte duke folur për luftën në Ukrainë në prapavijë bie në sy harta e Kosovës. Rusia nuk e njeh shtetin pavarësinë Kosovës përshkak të aleancës që ka me Serbinë në Ballkan. https://video.gjirafa.com/untitled-design-5-mp4-6

26/02/2022 12:15 Shtetet e Bashkuara të Amerikës i kanë kërkuar presidentit të Ukrainës, Volodymyr Zelenskyt, që të evakuohet nga Kievi, por ai e ka refuzuar një gjë të tillë. Sipas Associated Press, Zelensky tha se “Lufta është këtu; Unë kam nevojë për municion, jo për udhëtim”, duke cituar një zyrtar të lartë të inteligjencës amerikane me njohuri të drejtpërdrejta të bisedës. Kujtojmë se sot është dita e tretë e luftimeve në mes Ukrainës dhe Rusisë

26/02/2022 12:06 Ushtria ukrainase ka bërë të ditur se Rusia është duke u përballur me humbje të mëdha njerëzish në luftën që tashmë ka hyrë në ditën e tretë. Sipas faqes së ushtrisë së Ukrainës në Facebook, më shumë se 3 mijë e 500 ushtarë rusë janë vrarë dhe pothuajse 200 të tjerë janë zënë robër, transmeton Klankosova.tv. Tutje, sipas tyre, Rusia ka humbur edhe 14 avionë, 8 helikopterë dhe 102 tanke. Por, sipas BBC, kjo gjendje nuk është e verifikueshme akoma. Kujtojmë se sot është dita e tretë prej se kur forcat ruse kanë shkelur në tokën ukrainase, gjë që ka çuar në luftë të ashpër.

25/02/2022 13:10 Presidenti i Ukrainës Volodymyr Zelensky foli nga zyra e tij në Kiev. I veshur me veshje ushtarake, ai akuzon liderët evropianë për marrjen e masave të pamjaftueshme për të ngadalësuar përparimin rus. “Ashtu si Lufta e Dytë Botërore, ju thatë kurrë më, por ja ku është përsëri dhe nuk po bëni mjaftueshëm për t’u përgjigjur,” thotë ai. Zelensky tha se nuk është tepër vonë për të ndaluar agresionin rus nëse liderët evropianë veprojnë me shpejtësi dhe u bëjnë thirrje qytetarëve në të gjithë BE-në të protestojnë. “Jam i sigurt që e shihni këtë – të gjithë ju, e gjithë Evropa. Por ne nuk e kuptojmë se çfarë do të bëni për këtë, si do të mbroni veten kur jeni kaq të ngadaltë për të ndihmuar Ukrainën”....