BOTË

Presidenti i Serbisë, Aleksandar Vuçiq, ka thënë për rrjetin amerikan CNN, se, pala serbe i ka zbatuar të gjitha obligimet ndërkombëtare që dalin nga Marrëveshja e Brukselit, dhe se Kosova nuk e ka përmbushur një që i ka takuar – formimin e Asociacionit të komunave me shumicë serbe. Kosova dhe Serbia i kanë nisur negociatat për normalizim të marrëdhënieve, të ndërmjetësuara nga Bashkimi Evropian, më 2011. Palët i kanë nënshkruar dhjetëra marrëveshje, por jo të gjitha janë zbatuar. Vuçiq ka pretenduar se prej kur kryeministri i Kosovës, Albin Kurti ka ardhur në pushtet, janë kryer 353 sulme ndaj serbëve, të motivuara në baza entie, dhe se ky është numri më i madh i incidenteve të tilla prej shpalljes së pavarësisë së Kosovës. “Vetëm këtë vit, janë kryer pesë sulme me të...

Zëdhënësi i Këshillit të Sigurisë Kombëtare në ShBA, John Kirby, ka kërkuar nga Serbia që të ulë nivelin e gatishmërisë luftarake të ushtrisë. Në një brifing nga Shtëpia e Bardhë, Kirby kërkoi po ashtu nga Serbia që t’i ndalë serbët e Kosovës së sulmuari KFOR-in, raporton Klankosova.tv. “Edhe Presidenti Vuçiq dhe qeveria e Serbisë duhet të ulin statusin e sigurisë së forcave të armatosura të Serbisë dhe t’i urdhërojnë serbët e Kosovës të mos e sfidojnë KFOR-in dhe të përmbahen nga dhuna e mëtejme”, theksoi Kirby.

Takimet me ambasadorin amerikan në objektin qeveritar e telefonatat nga larg, mbase s’po mjaftojnë. Kryeparlamentari Glauk Konjufca, beson se Kosova e Amerika janë keqkuptuar për situatën në veri, derisa kjo e fundit po kritikon institucionet në Prishtinë për hapat e ndërmarrë. Numri dy i partisë në pushtet po thotë se me miqtë ndërkombëtarë duhet dialog i hapur, për të argumentuar pozicionet shtetërore, raporton Klan Kosova. Konjufca komentoi edhe qasjen ndërkombëtare ndaj Serbisë. E tillë si tash, thotë se s’është parë kurrë. Deklaratën qortuese të sekretarit amerikan, Anthony Blinken, ky e quajti jo të mirë për vendin. Të tilla i cilësoi edhe sanksionet që shteti më i fuqishëm në botë i vendosi ndaj Prishtinës.  ...

Partia në koalicion me VV-në, Guxo, ka dalë me një deklaratë publike rreth zhvillimeve të fundit që lidhen me tensionet në veri, pas përplasjeve të serbëve lokalë me Policinë e Kosovës dhe KFOR-in. Nëpërmjet një deklarate të gjatë, të publikuar nga zëdhënësi Blerim Gashani, thuhet se Guxo do të angazhohet për tejkalimin e kësaj situatë në bashkëpunim të ngushtë me aleatët strategjikë, SHBA-në dhe vendet perëndimore. Ky reagim i Guxo vjen pas acarimit të raporteve të Qeverisë së Kosovës me faktorët perëndimorë, veçanërisht SHBA-të, të cilat kanë filluar vendosjen e sanksioneve ndaj Kosovës për situatën në veri. “Partia Guxo si subjekt politik, por edhe me anën e përfaqësuesve të vet në Qeveri, do të angazhohet për tejkalimin e kësaj situate në veri të vendit, mbi bazën...

Eksperti i çështjeve të sigurisë, Drizan Shala ka folur për eskalimin e situatës në veri të Kosovës, ku thotë se është e domosdoshme që të gjendet një rrugë e cila garanton sovranitetin e Kosovës në atë pjesë. Shala në një prononcim për GazetaBlic thotë se është me rëndësi edhe të ruhet partneriteti me partnerët strategjik. “Nga situata aktuale në veri të vendit, mund të nxjerrim një konkluzion që duhet të gjendet një rrugë alternative, e cila garanton sovranitetin e Kosovës në atë pjesë, por edhe që ruan partneritetin me partnerët tanë strategjik”, tha Shala. “Pas fillimit të protestave në veri të vendit, në orët e mëngjesit KFOR-u ka marrë situatën nën kontroll, duke ndërruar pozicionet me pjesëtarët e njësive speciale ku këta të fundit kanë përgjegjësi të ruajn objektet në...

Policia e Kosovës ka dalë me komunikatë lidhur me gjendjen në tri komunat në veri të Kosovës ku po protestohet. Policia bën të ditur se situata vazhdon të jetë e tensionuar, ndërsa ka kërkuar që të ruhet qetësia. Po ashtu, Policia bën të ditur se janë arrestuar pesë persona. Kjo është komunikata e plotë: Ruajtja e rendit dhe sigurisë publike, zbatimi i ligjit në mënyrë profesionale, efektive dhe efikase, si dhe ofrimi i sigurisë ndaj të gjithë qytetarëve pa dallim, mbetet detyrë dhe përkushtim i vazhdueshëm i Policisë së Kosovës (PK). Policia e Kosovës po vazhdon angazhimet e saja në ofrimin e sigurisë dhe mbarëvajtjen e protestave, të cilat po vazhdojnë pranë tri komunave në veri të vendit Leposaviq, Zubin Potok dhe Zveqan. Në Zveqan protestuesit kanë vazhduar të ...

Aleanca e NATO’s i ka bërë thirrje Kosovës që të qetësojë situatën në veri të vendit, një ditë pas tensioneve që u krijuan atje. Zëdhënësja e NATO-s, Oana Lungescu, përmes një postimi në Twitter tha se të gjitha palët duhet t’i zgjidhin çështjet përmes dialogut, derisa theksoi se KFOR’i mbetet vigjilent në këtë rajon. “Ne u bëjmë thirrje institucioneve në Kosovë të shtensionojnë menjëherë situatën dhe u bëjmë thirrje të gjitha palëve që të zgjidhin situatën përmes dialogut. Misioni i NATO-s, KFOR, vazhdon të jetë vigjilent dhe të ofrojë mjedis të sigurt”, shkroi Lungescu. Ndryshe, kryetarët e komunave të veriut të Kosovës, Zveçan, Zubin Potok dhe Leposaviq kanë arritur të futen dje në zyrat e tyre me asistim të Policisë. Grupe të banorëve vendas në këto komuna të banuara ...