BOTË

27/06/2022. 11:01 Sipas The Daily Telegraph, Presidenti i Ukrainës, Volodymyr Zelensky mund të ftohet për një vizitë shtetërore në Mbretërinë e Bashkuar. Zyrtarët thuhet se po punojnë për një vizitë të mundshme, por nuk ka gjasa të ndodhë para përfundimit të luftës me Rusinë, raporton Sky News. Masa synon të rrisë besueshmërinë e kryeministrit britanik, Boris Johnson përballë kritikave në rritje ndaj udhëheqjes së tij.

26/06/2022. 17:14 Kryeministri i Britanisë, Boris Johnson, dhe kryeministri i Kanadasë Justin Trudeau u dukën duke u tallur me “shëtitjet me kuaj” të Vladimir Putin në samitin e G7. Ndërsa liderët botërorë u mblodhën në Gjermani, Johson me shaka pyeti nëse të gjithë duhet të heqin xhaketat për të treguar se “ne jemi më të fortë se Putini”. Derisa kryeministri kanadez, u përgjigj me tallje se ata duhet “të presin për foton”. “Do të dalim me gjoksin zhveshur hipur mbi kalë,” tha ai me shaka, duke iu drejtuar Olaf Scholzit. Johnson thotë më pas “Duhet t’u tregojmë muskujt”, derisa grupi vazhdonte bisedën. Ndryshe, liderët po i referoheshin një fotoje, ku Putin kishte pozuar mbi një kalë gjatë vitit 2009.

24/06/2022. 15:35 Emisari i BE-së, për dialogun Kosovë-Serbi, Miroslav Lajçak, ka thënë se Samiti BE-Ballkani Perëndimor i ka zhgënjyer sërish vendet e këtij rajoni. Lajçak thotë se kanë ndërmarr vendime për Evropën Lindore, por jo edhe për Ballkanin Perëndimor. “Ne morëm një vendim gjeopolitik për Evropën Lindore, por nuk mund të kemi të njëjtin këndvështrim strategjik për Ballkanin Perëndimor. Kjo gjeneron zhgënjim të thellë në rajon. Jam krenar për udhëheqjen tonë evropiane në Lindje, por ne duhet ta rifitojmë atë për fqinjët tanë juglindorë”, ka shkruar Lajçak në rrjetin social Twitter.

23/06/2022. 10:16 Sot në Bruksel do të vazhdojë dita e dytë e Samitit BE-Ballkani Perëndimor. Sipas agjendës, nga ora 9:00 pritet që pjesëmarrësit të arrijnë, derisa një orë më pas do të fillojë një sesion pune. Gjithashtu, është planifikuar një konferencë e përbashkët për shtyp nga presidenti Michel, presidentja Von der Leyen dhe presidenti Macron. Udhëheqësit do të zhvillojnë një diskutim strategjik se si t’i përforcojnë marrëdhëniet e BE-së me partnerët e tyre, duke përfshirë mënyrën se si të nxitet dialogu politik dhe të forcohet siguria, stabiliteti dhe prosperiteti i kontinentit evropian. Më vonë temë diskutimi do të jetë Ukraina. Udhëheqësit e BE-së do të diskutojnë zhvillimet e fundit në lidhje me luftën e Rusisë kundër Ukrainës, përfshirë ndikimin e saj në krizën globale t...

23/06/2022. 21:21 Ukrainës dhe Moldavisë i është pranuar statusi i kandidatit për anëtarësim në Bashkimin Evropian. Këtë e ka bërë të ditur përmes një postimi në Twitter, presidenti i Këshillit Evropian Charles Michel. “Një moment historik. Sot shënon një hap vendimtar në rrugën tuaj drejt BE-së”, shkroi Michel. Lidhur me këtë ka reaguar edhe presidenti ukrainas Volodymyr Zelensky i cili tha se e ardhmja e Ukrainës është në BE. “Mirënjohës ndaj Charles Michel dhe liderët e BE-së për mbështetje. E ardhmja e Ukrainës është brenda BE-së”, tha ai.

23/06/2022. 10:27 Kancelari gjerman Olaf Scholz, është deklaruar para nisjes së Samitit të BE-së në Bruksel. Ai ka thënë se është shumë e rëndësishme që procesi i Bashkimit Europian në Ballkanin Perëndimor, të ecën përpara, dhe për këtë, Scholz, tha se Gjermania do të mbështes përpjekjet e tyre. ”Është shumë e rëndësishme që procesi i BE-së në Ballkanin Perëndimor të ecë përpara. Të gjitha përpjekjet e tyre duhet të çojnë drejt anëtarësimit në BE. Gjermania do të mbështesë përpjekjet e tyre, ne ndihemi përgjegjës për suksesin e tyre”. ”Më e rëndësishmja është se ne po punojmë të gjithë bashkë. Dhe vendet e Ballkanit Perëndimor, do ta kenë një mundësi të mirë për të qenë pjesë e Bashkimit Europian, ata po punojnë shumë”....

17/06/2022. 19:01 Kryeministri britanik, Boris Johnson, ka bërë një vizitë të papritur në Kiev për bisedime me presidentin e Ukrainës, Volodymyr Zelensky. Vizita shënon udhëtimin e dytë të Johnsonit në kryeqytetin ukrainas që nga pushtimi i Rusisë, shkruan Aljazeera. Kujtojmë se kjo vizitë vjen një ditë pasi liderët e Francës, Gjermanisë dhe Italisë zhvilluan diskutime me Zelenskyn atje.