KRONIKA E ZEZË

28/10/2021 10:11 Policia e Kosovës në Gjakovë njofton se është arrestuar e dyshuara femër pasi që e njëjta ka dalë nga strehimorja pa paralajmërim dhe ka braktisur djalin e saj 14-muajsh. Zyrtarët e QPS-së, fëmijën-djalin e braktisur e kanë dorëzuar te babai i tij, ndërsa e dyshuara pas intervistimit, me vendim të prokurorit është dërguar në mbajtje.

28/10/2021 10:08 Policia e Kosovës në Prishtinë ka arrestuar një person pasi dyshohet se në vazhdimësi, që nga fillim viti, ka ushtruar dhunë psikike ndaj nënës së tij. Me vendim të prokurorit, i dyshuari pas intervistimit është dërguar në mbajtje.

27/10/2021 19:07 Njëri ndër themeluesit e korporatës Dukagjini, Agim Lluka ka ndërruar jetë sot. Lluka ka lindur në Pejë ne vitin 1961. Është vëllai i presidentit te Korporatës Dukagjini Ekrem Lluka. Agim Lluka ishte kudo në ngritjen e sektorëve te Korporatës, në disa prej te cilave duke qenë edhe bashkëthemelues. Roli i Agimit mbetet i madh në zhvillimin e jetës letrare, arsimore e kulturore edhe në sistem paralel, duke e vënë shtypshkronjën Dukagjini në dispozicion të rrethanave të kohës së okupimit në shërbim të institucioneve të Kosovës. Pas luftës ishte ideator i themelimit të Radio Dukagjinit. U shqua si mbështetës i librit me shtëpitë botuese, ombrellë e korporatës.

27/10/2021 18:50Ish-ushtari i Ushtrisë Çlirimtare të Kosovës, Beqir Dajaku sot ka ndërruar jetë.   I ndjeri ishte figura e dalluar e Ushtrise Çlirimitare te Kosoves, nga fshati Rakinicë.      

27/10/2021 18:26 Një person është arrestuar nga Policia e Kosovës nën dyshimin se ka kryer veprën “kontrabandë me migrantë”. A.G, dyshohet se iu ka siguruar disa personave viza Schengen, në ambasadën e një shteti të huaj, në një shtet tjetër jashtë Kosovës. Sipas informacioneve të policisë për një vizë ai ka përfituar nga tre mijë e deri në pesë mijë euro. “Policia e Kosovës, konkretisht Sektori i Hetimeve i Departamenti të Policisë Kufitare, ndërmerr veprime konkrete ligjore, pas hetimeve të gjata kundër të dyshuarit mashkull, kosovar me iniciale (A.G.), nën dyshimin e kryerjes se veprës penale “kontrabandim me migrantë”, ku konkretisht dyshohej se i njëjti person, qytetarëve të Republikës së Kosovës iu ka siguruar viza Schengen, në Ambasadën e një shteti të huaj, në një shtet t...