KRONIKA E ZEZË

29/11/2021 13:43 Policia e Kosovës gjatë periudhës janar-shtator pati mjaft punë me shkelësit e rregullave të komunikacionit. E me këtë rast për të ngritur sigurinë në trafik organet e rendit kanë shtuar aktivitetet e tyre. Në funksion të kësaj policia po ashtu ua ka konfiskuar edhe patentë-shoferët vozitësve që nuk i kanë përfilluar rregullat. Në një përgjigje të këtij institucioni për Klankosova.tv janë 5 mijë e 556 leje të vozitjes të konfiskuar për nëntë muaj. “5556 shoferëve, iu është ndaluar drejtimi i mjetit me veprim motorik”. E po ashtu një numër i madh i shoferëve kanë ndëshkuar me pikë negative, gjithsejt 13 mijë e 532.

28/11/2021 14:22 Dy nxënësit që u vranë nga sulmi me armë zjarri në Gllogjan të Deçanit janë varrosur sot. Pos dy nxënësve, i vrarë ka mbetur edhe shoferi, i cili është varrosur gjithashtu sot.

28/11/2021 10:20 Në 24 orët e fundit janë shqiptuar 1 mijë e 190 gjoba trafiku. Ndërkaq, për mos respektim të ligjit antiCOVID janë shqiptuar gjithsej 356 gjoba. Gjatë kësaj periudhe janë arrestuar nëntë persona si dhe pesë janë dërguar në mbajtje.

28/11/2021 10:02 Sot do të bëhet varrimi i dy nxënësve të vrarë në sulmin që ndodhi në Gllogjan të Deçanit. Varrimi i të ndjerëve do të bëhet në ora 14:00 në varrezat në Gllogjan. Nga ky sulm mbetën të vrarë gjithsej tre persona dhe një tjetër i plagosur.

27/11/2021 22:00 Babai i nxënësit që vdiq gjatë sulmit me armë ndaj autobusit në fshatin Gllogjan të Deçanit kishte biseduar me djalin e tij vetëm 10 minuta para se të ndodhte rasti tragjik në Gllogjan, tregojnë burime të “Radio-Ylberi” Burimet tregojn se nxënësi i kishte thënë babait të tij, se për 10 minuta arrin në shtëpi. Pasi u vonua, se babi e kishte thirrur sërish atë. "Pas 10 minutave babi i Ledionit telefonoi të birin ta pyeste se ku ishte dhe pse ishte vonuar, por dëgjoi vetëm zërin e frikësuar të një vajze, bashkëudhëtareje duke thënë"Beqë hic mos e le se marum" - duke e njoftuar kështu për sulmin që të mos humbte kohë,kështu, i pari në vendin e ngjarjes ka mbërritur babai i të ndjerit z. Beqe Hamzaj, i cili në fillim nxorri vajzën e vdekur nga autobusi, e pastaj djalin e ...