KRONIKA E ZEZË

29/01/2022 22:10 Ka vdekur një person 55-vjeçar në fshatin Zabel i Ulët i komunës së Drenasit. Dyshohet se ai ka thithur tymin e shkaktuar nga një ngrohëse elektrike. Lajmin për Klankosova.tv. e ka konfirmuar zëdhënësi i Policisë së Kosovës në rajonin e Prishtinës, Agron Borovci, i cili tha se policia ka filluar menjëherë me ndërmarrjen e veprimeve hetimore. “Rreth orës 14:00 është raportuar për një rast të vdekjes së dyshimtë, të ndodhur në fshatin Zabel i Ulët të komunës së Drenasit. Me të marrë informatën, policia ka dalë në vendin e ngjarjes, duke filluar menjëherë me ndërmarrjen e veprimeve hetimore me synim sqarimin e rrethanave të rastit”. “Në vendin e ngjarjes janë ftuar edhe mjekët emergjentë, të cilët kanë konstatuar vdekjen e viktimës, mashkull, 55-vjeçar. Mbështetur në të ...

27/01/2022 11:29 PK ka njoftuar se sot me datë 27.01.2022, ku rreth orës 08:30, në Vushtrri është arrestuar dyshuari G.S., 35 vjeçar, shtetas i Republikës së Kosovës, ndaj të cilit Gjykata Themelore në Prizren, kishte lëshuar urdhëresat PED.nr.481/20 dhe EDGJ.nr.482/20, për veprën penale ,,Vjedhje ”. "Pas arrestimit dhe përfundimit të procedurave policore, sipas urdhëresës së gjykatës, të njëjtit janë dërguar në vuajtje të dënimit." thuhet në njoftim.

26/01/2022 22:00 Një veturë e KFOR-it është aksidentuar me një veturë me targa të Malit të Zi, në Koshtovë të Mitrovicës, këtë të mërkurë. Këtë për Klankosova.tv. e konfirmoi zëdhënësja e Drejtorisë Rajonale të Policisë së Kosovës në Mitrovicë, Fexhirije Pllana. Ajo theksoi se aksidenti ka ndodhur rreth orës 16:00 dhe se është me dëme materiale.

26/01/2022 14:11 PK ka njoftuar se sot datë 26.01.2022, rreth orës 11:30, policia ka pranuar një informatë se në rr: “ Shala e Bajgores’’ Mitrovicë në vendbanimin e tij, dyshohet se një person është pa shenja jete. "Në vendin e ngjarjes kanë dalë njësit kompetente si dhe emergjenca nga Spitali Rajonal Mitrovicë, ku mjeku ka konstatuar se viktima M.T., 72 vjeçar, është pa shenja jete." thuhet në njoftim. Po ashtu në lidhje me rastin ёshtё njoftuar prokurori, dhe me urdhrin e tij trupi i pajetë është dërguar në Institutin e Mjekësisë Ligjore-Prishtinë për obduksion, ndërsa rasti është duke u hetuar si vdekje e dyshimtë, thuhet tutje.

24/01/2022 14:41 Policia e Kosovës ka njoftuar se është arrestuar një person pasi ka ushtruar dhunë ndaj bashkëshortes së tij. Rasti ka ndodhur dje në Mitrovicë, rreth orës 14:30, njofton policia. “Mitrovicë Veri, 23.01.2022 – 14:30. Është arrestuar i dyshuari mashkull kosovar, pasi që ka ushtruar dhunë ndaj bashkëshortes së tij viktimës femër kosovare. Me vendim të prokurorit, i dyshuari është dërguar në mbajtje”, njofton policia.

24/01/2022 10:00 Një burrë është gjetur i vdekur në Zveçan. Sipas raportit të policisë, viktimën e kanë gjetur dy persona pa shenja jete në shtëpinë e tij. “Dy ankues kosovarë kanë informuar se viktimën mashkull kosovar, e kanë gjetur pa shenja jetë në shtëpinë e tij. Mjeku ka konstatuar vdekjen e viktimës. Me vendim të prokurorit, trupi i pa jetë i viktimës u është liruar familjarëve për ceremoni mortore”, njofton më tej policia.