EKONOMI

25/06/2022. 11:37 Qytetarët e Kosovës s’kanë hequr ende dorë nga kërkesa për tërheqjen e parave nga Trusti, pavarësisht se Projektligji që u dërgua në Kuvend për këtë punë dështoi që të miratohej, pasi 57 deputetë të Lëvizjes Vetëvendosje votuan kundër. Ata kanë filluar sërish një peticion për të mbledhur nënshkrime për të riproceduar kërkesën për tërheqjen e parave nga Trusti në Kuvend. Adnan Jashari ka njoftuar në grupin “Pro tërheqjes 30% të Trustit”, se kanë nisur përgatitjet për të mbledhur nënshkrime. “Pas kërkesës tuaj në grup për PETICIONIN për Trustin! Unë me disa anëtarë të grupit kemi filluar përgatitjet për të mbledhur nënshkrime për të riproceduar kërkesën tonë për tërheqjen e mjeteve nga Trusti. Të gjithë ata që dëshirojnë të kontribuojnë vullnetarisht në mbledhje t...

24/06/2022 16:00 Ministri i Financave, Hekuran Murati, ka njoftuar se janë ekzekutuar pagesat e shtesës prej 100 euro për studentët. Grupi i parë i përfituesve të 100 eurove janë rreth 46 mijë studentë të cilët kanë plotësuar kriteret, dhe për të cilët ka pasur informata të sakta. Megjithatë, ministri Murati the se pagesat nuk janë dorëzuar për të gjithë studentët, pasi që të dhënat nga universitetet kanë qenë të mangëta. “Për një numër të konsiderueshëm të aplikantëve, të dhënat që kemi pranuar nga universitetet kanë qenë të mangëta ose nuk ekzistojnë fare”, ka shkruar Murati në një postim në Facebook,. “Prandaj gjatë ditëve në vijim, do të tentojmë të rikonfirmojmë të dhënat për rastet që janë të pakompletuara, dhe sapo t’i kemi pranuar informatat nga këto universitete, do të proceso...

24/06/2022. 15:30 Qeveria e Kosovës ka publikuar Udhëzimin Administrativ të miratuar në mbledhjen e fundit për sa i përket rregullimit të çmimeve të naftës. Sipas këtij udhëzimi administrativ, çmimi për marzhën tregtare maksimale për litër të produktit të naftës shitur me shumicë është 2 centë, derisa për litër të produktit të shitur me pakicë është 12 centë. Rregullimi i çmimeve dhe masat nga paragrafi 1 i këtij neni mbeten në fuqi tridhjetë (30) ditë, përveç nëse shfuqizohen ose ndryshohen me vendim sipas nenit 7 të këtij udhëzimi administrativ.

23/06/2022. 16:58 Deputetët e opozitës kanë lëshuar sallën e Kuvendit, pasi projektligji për tërheqjen e mjeteve nga Trusti s’kaloi në lexim të parë. 57 deputetët e VV-së ishin kundër, ndërkaq Fatmir Humolli abstenoi në votim, çka bëri që projektligji të mos kalojë. 44 deputetë ndërkaq ishin pro. Në sallë ishin të pranishëm 102 deputetë. Projektligji për tërheqjen e Trustit ishte në rend dite edhe në seancën e djeshme, por pas mbylljes së punimeve shkaku i mungesës së kourumit, kjo pikë u shty për seancën e sotme.

22/06/2022. 22:51 Kryetari i Kuvendit të Kosovës, Glauk Konjufca, ka komentuar ndërprerjen e seancës së sotme plenare, ku pritej votimi i projektligjit për tërheqjen e 30 për qind të mjeteve të qytetarëve nga Trusti. Ai e ka quajtur të gabuar idenë e tërheqjes së mjeteve nga Trusti, pasi me këtë thotë se do të dëmtohej edhe skema e mjeteve pensionale. “Me këtë shkatërrohet Trusti. Heqja e qindra miliona eurove të Trustit do të dëmtojë skemën, por edhe besueshmërinë e Kosovës në skenën ndërkombëtare”, ka thënë ai në ATV, duke shtuar se shpërndarja e mjeteve të Trustit do të ishte me efekt shumë të vogël për qytetarët. I pyetur se a do të ketë pasoja politike për Lëvizjen Vetëvendosje nëse nuk kalon projektligji për tërheqjen e një pjese të mjeteve nga Trusti, Konjufca tha se mendon s...

21/06/2022. 18:26 Tani për tani çmimet e derivateve kanë arritur në 1.90 cent në litër. Por, është paralajmëruar se çmimi i derivateve do të ngritet deri në 2.30 cent për litër. Ky paralajmërim vjen nga ish-kryetari i Autoritetit Kosovar të Konkurrencës, Valon Pestreshi. Ai shtoi se ne si qytetarë, nuk e kemi idenë se çfarë masa mbrojtëse do të ndërmerr Qeveria.

21/06/2022. 16:47 Çmimi i arit në Kosovë rëndom varet nga lëvizjet në bursat ndërkombëtare. E lëvizjet e shumta në tregjet ndërkombëtare të arit përgjatë dy viteve të fundit, kanë bërë që edhe në Kosovë çmimi i arit të rritet në përmasa të larta. Aktualisht, çmimi i një gram ari nëpër disa prej artarive në kryeqytet, sillet nga 50 deri në 55 euro, përcjell “Buletini Ekonomik”. Ndërkohë, çmimi i një kilogrami të arit tani sillet deri 55 mijë euro, nga 51 mijë sa ishte më 2021, e 47 mijë sa ishte në vitin 2020. Sipas artarëve në kryeqytet, para pandemisë çmimi i arit ishte për 10 euro më lirë për gram, ndërsa tani një gram po kushton prej 50 e deri në 55-56 euro. Edhe në bursat ndërkombëtare, për momentin një gram ari është duke u tregtuar me 55 deri në 56 euro. Në bursën ndërkombë...

21/06/2022. 12:08 Shefi i Grupit Parlamentar të PDK-së, Abelard Tahiri, ka thënë se në mungesë të alternativave nga qeveria dhe përballë gjendjes së renduar sociale, tërheqja e një pjese të parave të Trustit është një masë e domosdoshme për të lehtësuar ballafaqimin e qytetarëve me këtë gjendje. “Mundësia për të tërhequr një pjesë nga paratë e kursyera në këto rrethana, ka qenë kërkesë e drejtpërdrejtë e qytetarëve, prandaj i ftoj të gjithë deputetët e Kuvendit të Kosovës dhe veçmas ata të mazhorancës, që nesër ta votojnë projektligjin që mundëson një gjë të tillë”. “Kjo nuk është betejë politike por domosdoshmëri konkrete dhe kërkesë e të gjithë qytetarëve pa dallim”, ka shkruar Tahiri.