08\04\2022 12:48
Bashkimi i Sindikatave të Pavarura të Kosovës sot po mban një protestë, ndërsa janë gjashtë kërkesa për Qeverinë e Kosovës.
Protesta ka nisur me marshin prej Bibliotekës Kombëtare e do të ndalen te Sheshi “Skënderbe”, para ndërtesës së Qeverisë.
Protestuesit po brohorisin “Ngritja e pagave është domosdoshmëri”, “Zbatojeni ligjin”, “Arsim cilësor nuk mund të ketë derisa nuk ka paga të dinjitetshme”, etj.
BSPK njofton se ekzekutivit do t’i parashtrohen publikisht kërkesat e Bashkimit të Sindikatave të Pavarura të Kosovës:
100 euro nga buxheti i shtetit për të gjithë të punësuarit në sektorin publik përfshirë edhe punëtorët e Ndërmarrjeve Publike – deri në përmbushjen e kërkesave të mëposhtme
Përcaktimi i Pagës Minimale
Miratimi i Ligjit për Paga
Nisja e zbatimit të Ligjit për Sigurimet Shëndetësore
Nënshkrimi i marrëveshjes kolektive gjithëpërfshirëse
Amendamentimi-ndryshimi i Ligjit për Skemat Pensionale të Financuar nga Shteti, pranimi i përvojës se punës për të gjithë të larguarit nga puna gjatë viteve të 90-ta, dhe të eliminohet kriteri prej 15 vite përvojë punë para vitit 1999.