27/12/2021 18:06
Gjatë spektaklit të së premtes në “Big Brother VIP” ndodhi një debat i fortë mes Antonelës dhe Big Mamës i cili përfundoi me largimin e saj nga shtëpia. Ishte Antonela ajo që e akuzoi këngëtaren Mamën se e kishte sharë serbisht, por kjo nuk i pëlqeu aspak këngëtares e cila reagoi ashpër ndaj saj.
Pas daljes së këngëtares, ka patur reagime e thashetheme tê ndryshme që kanë qarkulluar në rrjet. Midis tyre edhe një teori se largimi ishte i planifikuar, ekzaktësisht në datën 24 dhjetor.
Ajo u pyet në “Shqipëria Live”, nëse ka qenë e programuar që menjëherë pas daljes, të rikthehej në punë dhe axhenda ishte e planifikuar paraprakisht.
“Gjithë shoqërinë e kam patur në dasmë. Unë sa kam dalë kam dashur të vij për Maqedoni se më kishte marrë malli, isha tepër e mbingarkuar në shtëpi, dhe për t’i takuar shkova aty”, tha Big Mama, që më pas shtoi me shaka se nuk do mbyllet në shtëpi e të qajë Antonelën.
“Nuk ka qenë e programuar aspak”, tha këngëtarja.
Ajo përsëriti se nuk ishte e penduar dhe as e mërzitur për gjithçka që ndodhi dhe daljen nga shtëpia. Megjithatë, siç tregoi, ishte hera e fundit që fliste për Antonelën