Author: Admin

05/08/2022 20:46 Në pikat e kalimit kufitar të Kosovës me vendet fqinje, edhe sonte vazhdon të ketë fluks të madh të automjeteve. Bashkatdhetarët të cilët ishin në Kosovë për t’i kaluar pushimet e verës tashmë kanë nisur të kthehen në vendet e Evropës. Kjo ka bërë që në disa pika kufitare të krijohen kolona të gjata të veturave. Sipas Qendrës Kombëtare për Menaxhimin Kufitar (raporti i orës 20:14), pritjet më të gjata janë në Merdar, për dalje nga Kosova. Në këtë pikëkalim kufitar pritjet janë deri në 4 orë për të dalë nga Kosova, ndërsa 15-20 minuta për të hyrë. Kolona të gjata ka edhe te Dheu i Bardhë, ku për të hyrë dhe për të dalë nga Kosova pritjet janë deri në dy orë. Ndërsa, në vendkalimin kufitar në Muçibabë, pritjet për të dalë nga Kosova janë deri në 2 orë e për të hyrë vetëm 1...

05/08/2022. 19:41 Presidentja e Kosovës, Vjosa Osmani, e ka emëruar Ambasadore Nderi të Republikës së Kosovës këngëtaren me famë botërore, Dua Lipën. Osmani, përmes një postimi në Facebook, ka thënë që Lipën e ka falënderuar për gjithçka që ka bërë dhe po bën që “zëri ynë të dëgjohet kudo në botë”. “Sot, Dua Lipës ia ndava titullin Ambasadore Nderi e Republikës së Kosovës, sepse ajo vazhdon ta nderojë vendin tonë në çdo hap e çdo paraqitje. E falënderova, në emër të të gjithë qytetarëve të Republikës së Kosovës, për gjithçka që ka bërë dhe po bën që zëri ynë të dëgjohet kudo në botë. Dua dhe Anda kishin kënaqësinë e veçantë ta takojnë super yllin tonë, ikonën e pop muzikës, e cila është shndërruar në inspirim e model për vajzat anekënd botës. Ajo po e shfrytëzon zërin dhe talentin ...

05/08/2022. 17:38 Sot është dita e dytë e festivalit ‘Sunny Hill”. Edhe sot pritën të përformojnë artistë të njohur vendor e ndërkombëtarë. J balvin, Mahmood, Dhurata Dora, Azet&Zuna, Ghetto Geasy, Cozman, Onat, Emir Taha janë disa nga emrat që do ngjitën në skenën gjigante të këtij festivali. Kujtojmë që mbrëmë ishte një natë e paharruar me yjet e muzikës shqiptare dhe Dua Lipës.

05/08/2022. 16:59 Presidentja Vjosa Osmani, e ka falënderuar Dua Lipën që përmes Sunny Hill Festival po bën thirrje për liberalizim të vizave për Kosovën. E para e shtetit e ka shpërndarë postimin e llogarisë zyrtare të festivalit në Instagram me titull “Më lë të lirë”, në profilin e vetë. “Faleminderit Dua Lipa që iu ke bashkuar thirrjes sonë kolektive për t’i dhënë qytetarëve tanë liberalizimin e vizave të vonuara prej kohësh”, ka shkruar Osmani.

05/08/2022. 16:28 Kryetari i Komunës së Skenderajt, Fadil Nura së bashku me nënkryetarin Sami Lushtaku, kanë vizituar familjen e ish-presidentit të Kosovës, Hashim Thaçi, në Burojë, me rastin e ditëlindjes së nënës së tij, zonjës Hyrë, e cila mbushi 85 vite dje. Kryetari Nura dhe nënkryetari Lushtaku i kanë uruar nënës së Thaçit shëndet të plotë bashkë me familjen. Ata gjithashtu kanë uruar që ditëlindja e radhës të festohet bashkë me presidentin Hashim Thaçi. Hyrë Thaçi njihet si një grua e respektuar që ushqeu me bukë gjatë ilegalitetit luftëtarët e Ushtrisë Çlirimtare të Kosovës. Ajo dhe bashkëshorti i saj, bacë Haxhi Thaçi, janë krenarë për të birin dhe për gjithë trashëgiminë e tij ushtarake e politike në shërbim të lirisë së vendit....