09/02/2022 13:21
Një shpërthim i madh goditi një ndërtesë të lartë në qendër të Abu Dhabit, mbrëmë.
Ambasada e Kosovës në Abu Dhabi, përmes një postimi në Facebook, ka njoftuar qytetarët se ekipet emergjente të qytetit kanë intervenuar në shpejtësi, duke e vënë situatën nën kontroll.
“Fatmirësisht, nga ky shpërthim nuk ka pasur asnjë të lënduar dhe as viktima. Shpërthimi ka ndodhur në sipërfaqen e katit të fundit të një ndërtese në qendër të qytetit”.
“Autoritetet e EBA-së, në një deklaratë të tyre zyrtare të lëshuar sot, i kanë bërë thirrje publikut që informacionet lidhje me këtë incident, t’i marrin nga burimet e saja zyrtare, dhe të shmangin qarkullimin e thashethemeve dhe informacioneve të pasakta”, thuhet në njoftim.