Katër persona janë lënduar si pasojë e një aksidenti që ka ndodhur në fshatin Lushtë të Mitrovicës, konkretisht në segmentin rrugor Mitrovicë – Pejë.
Rastin e ka konfirmuar zëdhënës i policisë për rajonin e Mitrovicës, Avni Zaiti.
Sipas dëshmitarëve, veturat kanë pësuar dëmtime të mëdha.
Njëra veturë ka përfunduar me katër rrota në ajër, ndërsa tjera ka rënë poshtë rrugës, në kanalin e ujit.
Nuk dihen shkaqet që kanë çuar deri tek aksidenti, por dyshohet që shtresat e akullit kanë bërë të rrëshqasin veturat.
Ndryshe aksidentet e trafikut kanë filluar të shpeshtohen dhe kërkesa e Policisë së Kosovës është që të bëhet kujdes gjatë vozitjes, sidomos gjatë kohës kur ka lagështi apo ngritësa nëpër rrugë.
Në fshatin Lushtë, i cili gjendet në hyrje të Mitrovicës janë shkaktuar edhe më herët aksidente të ngjajshme të trafikut, dhe konsiderohet si vend që ndodhin shpesh aksidente.