16/04/2022. 14:34
Në aeroportin e Baselit shumë qytetarë që janë mbledhur me valixhe për të fluturuar për në Prishtinë, janë kthyer prapa pasi fluturimet janë anuluar pa paralajmërim në Euroairportin Basel-Mulhouse.
Avionët e tjerë për në Prishtinë ishin plot. Një tjetër fluturim nga kompania ajrore ALK (Boing B737-300), gjithashtu një kompani bullgare, dështoi.
Mbi 300 pasagjerë që po synonin Prishtinën mbetën në pritje, raporton Blick, transmeton Klankosova.tv.
Njëri nga të ngujuarit ishte edhe M. Krasniqi, i cili tha se ka fëmijë që qajnë dhe pasagjerë që vazhdojnë të përpiqen të kontaktojnë linjën telefonike të operatorit të fluturimit.
Euroaeroporti nuk dha asnjë arsye për anulimet.